Такі ўзровень супрацоўніцтва, паводле слоў Рубінава, шмат у чым звязаны з тым, што паміж кіраўнікамі дзвюх дзяржаў устанавіліся «цёплыя адносіны».
«Мы вельмі ганарымся тым, што маленькай Беларусі ўдалося ўстанавіць сяброўскія братэрскія адносіны з вялікім Кітаем. <…>
Мы рады, што Кітай адносіцца да вялікіх гэтага свету, тых, хто вызначае аблічча свету і яго будучыню», — адзначыў Рубінаў.Самым жа галоўным, паводле яго слоў, з’яўляецца тое, што адносіны паміж краінамі дынамічна развіваюцца. За 20 гадоў з моманту ўстанаўлення дыпадносінаў тавараабарот павялічыўся ў 100 разоў і ў 2011 годзе дасягнуў 3 мільярдаў долараў.
Пры гэтым, паводле слоў беларускага палітыка, двухбаковыя адносны паспяхова развіваюцца не толькі ў эканоміцы, але і ў іншых сферах, напрыклад культуры, навуцы, абароне.
«Нашы народы шмат у чым падобныя, падкрэсліў Рубінаў. — І беларусам, і кітайцам прыйшлося пераадольваць шмат перашкод.Яны ведаюць, што такое вайна, што такое разруха. Ніякія багацці не падаюць нам з неба, не ляжаць пад нагамі. Усё даводзіцца ствараць сваёй працай, талентам нашых людзей».
Лу Юнсян заявіў, што на сустрэчы ў нацыянальным сходзе Беларусі плануецца абмеркаваць пытанні двухбаковых адносінаў і міжпарламенцкага супрацоўніцтва. У прыватнасці, паводле яго слоў, размова пойдзе аб плануемым 21 мая падпісанні міжурадавага пагаднення аб стварэнні сумеснай камісіі па супрацоўніцтве ў галіне высокіх тэхналогій.
Як адзначыў Рубінаў, гэта азначае выхад на новы ўзровень адносінаў. «Адна справа — інвестыцыі, будаўніцтва дарог. Другая — дзяліцца сакрэтамі ў галіне высокіх тэхналогій. Ні кожныя краіны могуць сабе гэта дазволіць, давяраць адзін аднаму. Тое, што мы вырашылі стварыць камісію, гаворыць аб вельмі высокім узроўні даверу паміж дзвюма краінамі», — заявіў старшыня савета рэспублікі.