У Мінску закрываюцца музычныя крамы сеткі «Містэрыя гуку». У яе склад уваходзілі адна брэсцкая крама, а таксама чатыры ў сталіцы — у падземным пераходзе каля ГУМа, у гандлёвым цэнтры «Рыга», каля ЦУМа і на Нямізе. Дзве апошнія ўжо не працуюць.
Пра закрыццё дзвюх «Містэрый» «Нашай Ніве» расказаў заснавальнік сеткі Сяргей Ясючэня:
«Аказалася так, што для горада нашых крамаў аказалася зашмат — цяпер іх трэба меней. Закрыліся тыя, якія прыносілі меншы прыбытак.На Нямізе мы закрыліся, бо літаральна праз 500–600 метраў ёсць «Містэрыя» ля ГУМа. А ад плошчы Коласа недалёка да ГЦ «Рыга» — а там вялікая нашая крама — мы перанакіроўваем купцоў туды».
Сяргей Ясючэня кажа, што сусветныя працэсы «адмірання»
Які лёс чакае гандлёвыя памяшканні ў цэнтры горада?
Каля ЦУМа ўжо заўтра, 26 мая, адбудзецца адкрыццё камп’ютарнай крамы «Сільверада» (Silverado).Гэта сетка, прадстаўленая ў Гомелі, Бабруйску, Полацку, Наваполацку і Салігорску. «У дзень адкрыцця наведвальнікаў чакаюць дадатковыя зніжкі», — паведамляюць у кампаніі.
* * *
«Містэрыя гуку» — самая вядомая беларуская сетка музычных крамаў, заснаваная бізнэсоўцам Сяргеем Ясючэнем. Сярод яго актываў застаецца гуказапісвальная кампанія West Records.Суўладальнік «Містэрыі гуку» Аляксандр Шлык загінуў у 2006 годзе падчас тэрарыстычнага акта ў Егіпце.
«Містэрыя гуку» — найважнейшая сетка па продажы музыкі для беларускіх меламанаў: менавіта ў яе крамах заўжды знаходзіліся і музычныя навінкі і перавыданні класікі. Апроч таго «Містэрыя гуку» — бадай што адзіная музычная сетка, у асартыменце якой у вялікай колькасці з’яўляюцца сучасныя вінілавыя кружэлкі.