Belfilm стварыў сайт дакументальнага кіно
У інтэрнэце з’явілася новая пляцоўка для дакументалістаў.
Асацыяцыя Belfilm адкрывае новы інтэрнэт-сайтbelfilm.org, на якім можна будзе даведацца пра найбліжэйшыя праекты Belfilm’у, паглядзець беларускія і замежныя дакументальныя стужкі, а таксама даслаць сваю дакументалістыку. Сайт аформлены на трох мовах — беларускай, англійскай і расійскай.
«Наша задача — прасоўванне разумнага і якаснага дакументальнага кіно, стварэнне пляцоўкі, дзе гэтыя фільмы можна паглядзець і абмеркаваць» — кажа адзін з заснавальнікаў асацыяцыі, рэжысёр Алег Дашкевіч.
Для рэкламы сайта створаны прома-ролік, у які ўвайшлі фрагменты самых цікавых фільмаў з архіву, а таксама працаў маладых рэжысёраў.
Да таго, на сайце Belfilm ёсць рубрыка «Не фармат», дзе кожны ахвотны зможа паглядзець інтэрв’ю з выбітнымі беларускімі дзеячамі культуры.
Сайт асацыяцыі ўжо паспелі ўхваліць Юры Хашчавацкі і Віктар Аслюк, чые працы таксама можна ўбачыць на канале «Белфільма» на серверы YouTube
ЮУ
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ