Фільм Сяргея Лазніцы «У тумане», які ўдзельнічаў у асноўным конкурсе Канскага фестывалю, атрымаў прыз міжнароднай федэрацыі кінакрытыкі FIPRESCI.
«У тумане» — экранізацыя аднайменнай аповесці Васіля Быкава. Дзея фільма, знятага ў расейска-нямецка-
Уладальнікі прызоў асноўнага журы стануць вядомыя ў нядзелю ўвечары,пакуль жа сваіх прызёраў абвясціў толькі конкурс дэбютаў Cinefondation, дзе перамагла масквічка Таісія Ігуменцава з кароткаметражкай «Дарога на», і «Двухтыднёвік рэжысёраў», дзе прыз дастаўся чылійцу Пабла Лараіну за фільм «Не» (No). Экуменічнае журы прысудзіла сваю ўзнагароду карціне «Паляванне» (Jagten) датчаніна Томаса Вінтэрберга (Thomas Vinterberg) — гісторыі школьнага настаўніка, па няшчаснаму збегу абставін звінавачанага ў педафіліі.
Сяргей Лазніца нарадзіўся ў 1964 годзе ў Беларусі, вучыўся ў Кіеве, там жа працаваў навуковым супрацоўнікам у Інстытуце кібернетыкі і перакладчыкам з японскай мовы. У 1991 годзе паступіў у ВГIК на аддзяленне рэжысуры ігравога кіно (майстэрня Наны Джарджадзэ), аднак да 2010 года здымаў выключна дакументальныя карціны: на яго рахунку 3 поўнаметражныя і шэсць кароткаметражных фільмаў, якія атрымлівалі прызы на фестывалях у Кракаве, Лейпцыгу, Карлавых Варах.
Сярод самых вядомых — «Партрэт» (2002), «Блакада» (2005), «Арцель» (2006). У 2010 годзе ў Канскім асноўным конкурсе паказалі першы гульнявы фільм Лазніцы, «Шчасце маё», які пасля атрымаў на «Кінатаўры» прыз за лепшую рэжысуру і іншыя ўзнагароды на розных фестывалях.
