Журналістаў і актывістаў «Гавары праўду» затрымалі пад Светлагорскам. Пашкевіча будуць судзіць
Затрыманыя Міхась Пашкевіч, Сяргей Вазняк, Аляксандар Баразенка, Сяргей Балай, Аліна Радачынская, Аляксандр Уліцёнак, Іна Студзінская і Ганна Курловіч.
Відэа «Салідарнасць».
21:15 Міхася Пашкевіча затрымалі па артыкуле 23-3 «умяшальніцтва ў дзеянні супрацоўнікаў міліцыі». 1 чэрвеня адбудзецца суд. Пашкевіч знаходзіцца ў РУУС Светлагорску.
19:15 Актывістка ініцыятыўнай групы Тацяна Куган і яшчэ трое сябраў групы знаходзяцца каля РУУС. Падчас затрыманьня ў РУУС трапілі толькі актывісты ГП і журналісты. А ўласна сяброў ініцыятыўнай групы, якія кіраваліся ў Баравікоўскі сельсавет, каб перадаць свае дакумэнты, не зачапілі. Цяпер, па словах Тацяны Куган, міліцыянты таксама не зьвяртаюць на іх увагу.
Журналістку Іну Студзінскую дапыталі і адпусьцілі. Яна пакінула ў міліцыі скаргу на грубыя паводзіны маёра Клепіка, які падчас выкананьня ёю журналісцкіх абавязкаў — выхаду ў просты эфір «Радыё Свабода» — заламіў ёй руку з тэлефонам і не давзоліў перадаваць інфармацыю. Той жа маёр Клепік пры затрыманьні пашкодзіў руку актывісту «Гавары праўду» Міхасю Пашкевічу.
У РУУС знаходзіцца таксама берасьцейская актывістка «Гавары праўду» Ганна Курловіч. Па словах Іны Студзінскай, журналісту Аляксандру Баразенку могуць пагражаць «суткі», але абвінавачаньне невядомае.
19:06
Журналіста Сяргея Балая (інтэрнэт-газета Салідарнасць) адпусцілі у яго канфіскавалі флэшку з адзнятым падчас сустрэчы матэрыялам. Канфіскацыя адбылася на падставе парушэння артыкулу пра правядзенне несанкцыяваных масавых мерапрыемстваў.
Адпусцілі журналістку Радыё Свабода Іну Студзінскую.
Па словах Балая, цяпер міліцыянты высвятляюць, хто з затрыманых з'яўляецца журналістам тэлеканала «Белсат».
Па словах Іны Студзінскай, журналісту Аляксандру Баразенку могуць пагражаць «суткі», але абвінавачанне невядомае.
Актывісту "Гавары праўду!" Міхаілу Пашкевічу пры затрыманні пашкодзілі руку.
***
Міліцыя Сьветлагорскага раёну (Гомельская вобласьць) затрымала актывістаў кампанііі «Гавары праўду» і журналістаў, якія прыехалі ў вёску Якімава Слабада, каб назіраць за сходам жыхароў.
31 траўня ў Якімавай Слабадзе ініцыятыўная група сустракаецца зь мясцовымі жыхарамі. Чальцы групы хочуць арганізаваць мясцовы рэфэрэндум, каб даведацца стаўленьне жыхароў да верагоднага будаўніцтва ў інхай мясцовасьці заводу беленай цэлюлозы.
Сябра ініцыятыўнай групы Тацяна Куган: «Калі яшчэ не было журналістаў, прыехала міліцыя. Мяне хацелі затрымаць. Але зьявіліся рабяты. І міліцыя напала на іх. Пазьней іх зьвезьлі».
Міхась Пашкевіч: «Зараз знаходзімся ў сьветлагорскім РУУС. Нас затрымалі, калі выяжджалі зь вёскі Якімава Слабада. Правакацыя — адмыслова інсцыянавалі парушэньне правілаў. Рэгуляванае перакрыжаваньне, не было ніякіх знакаў. Затрымлівалі і даішнікі, і міліцыя, і людзі ў цывільным. Забралі дакумэнты ў нашага кіроўцы, правы. Кіраваў затрыманьнямі маёр Клепік».
Каментары