Арганізатары фестывалю прынялі рашэнне перанесці мерапрыемства ў сувязі з тым, што субота, 30 чэрвеня, абвешчаная ў Беларусі працоўным днём.
«ПІКНІК.BY» адбудзецца 1 ліпеня на хутары Шаблі (Валожынскі раён). Праграма застаецца нязменнай.
Дзея пачнецца ў 14.00 і працягнецца да позняга вечара. Склад удзельнікаў таксама не зменіцца. На дзвюх сцэнах — асноўнай і «Жывы Тузін» плануецца выступ больш чым двух дзясяткаў беларускіх гуртоў. Не здолее выступіць толькі гурт «Адыс Абеба», у якога ў гэты дзень пачынаюцца гастролі па Расеі.
Ужо набытыя раней квіткі на «ПІКНІК.BY» дзейныя. З чацвярга квіткі на фэст з'явяцца ва ўсіх касах TicketPro. Каштаваць яны будуць каля 110 000 руб. Квіткі па льготнай цане яшчэ можна набыць непасрэдна ў паб-клюбе «Графіці», што ладзіць фэст.
0
0
0
0
0
0
