«Мы навучыліся праводзіць выбары як свята для беларускага народа. Давайце яшчэ раз зробім гэтае свята. Гэты дзень павінен быць святам для людзей», — заявіў Аляксандр Лукашэнка ў панядзелак на нарадзе, прысвечанай выбарам, якую сам і правёў.
«Незаконныя дзеянні, палітычныя правакацыі, накіраваныя на дэстабілізацыю абстаноўкі ў краіне, павінны неадкладна спыняцца, а вінаватыя — несці устаноўленую адказнасць», — сказаў Лукашэнка.У перакладзе на зразумелую мову гэта азначае, што палітычная канкурэнцыя на выбарах будзе дапушчаная толькі ў межах, вызначаных лукашэнкаўцамі. На папярэдніх выбарах перамагалі толькі праўладныя кандыдаты.
Ён растлумачыў, што мае на ўвазе: не будуць дазваляцца вулічныя акцыі пратэсту, а ў выбарчыя камісіі будуць уключаць толькі «надзейных людзей».
«Задача праваахоўных органаў — не дапусціць перарастання перадвыбарных сустрэч у такія [вулічныя] мерапрыемствы», — падкрэсліў Лукашэнка.
«Прадстаўнікоў партый, незалежна ад іх палітычных поглядаў, што годна зарэкамендавалі сябе пры правядзенні ранейшых выбарчых кампаній, трэба ўключаць у склад выбаркамаў». «Тыя ж, хто раней спрыяў дэзарганізацыі выбараў, не павінны атрымаць другога такога шанцу», — заявіў ён.
«Парламенцкія выбары» ў Беларусі пройдуць 23 верасня.Аб гэтым паведаміў Аляксандр Лукашэнка, перадае БелТА.
Першы склад палаты прадстаўнікоў быў прызначаны ў канцы 1996 г. з ліку
Нагадаем, што 8 чэрвеня 2012 г. на нарадзе з кіраўнічкай ЦВК Лідзіяй Ярмошынай, Лукашэнка заявіў:
«Я да гэтага часу лічу, што мы сёлета не павінны ні пад каго падладжвацца. Вы ўжо пераканаліся па мінулых нашых такіх мерапрыемствах, што падзякі мы ад гэтага не атрымаем.Ды і не трэба нам ні ад каго падзякі. Нам трэба арыентавацца на ўласнае заканадаўства і Канстытуцыю, — падкрэсліў ён. — Мы парламенцкія выбары, як і іншыя, праводзім для сябе, для нашай дзяржавы, і народ павінен у сумленнай і канкурэнтнай барацьбе вызначыць, хто будзе працаваць у нашым парламенце».
Ярмошына тады заявіла, што выбарчае заканадаўства напярэдадні парламенцкіх выбараў больш мяняцца не будзе.«У студзені 2010 года ў выбарчае заканадаўства былі ўнесены змены, якія значна дэмакратызавалі выбарчы працэс у нашай краіне», — сказала кіраўніца ЦВК.
