Менеджар гурта Green Pepper Аляксандр Перцаў даслаў ліст з знявагамі і пагрозамі музычнаму журналісту Змітру Безкаравайнаму за тое, што ён сказаў нядобрае слова на адрас каманды ў сваім прыватным блогу. Журналіст бачыць усе падставы, каб звярнуцца ў суд, але лічыць, што Перцаў ужо сам сябе пакараў…
Канфлікт між менеджарам Green Pepper (і да ўсяго бацькі вакаліста каманды) Аляксандра Перцава з музычным журналістам Змітром Безкаравайным пачаўся пасля заўвагі апошняга ў сваім прыватным блогу з нагоды навіны пра запіс другога альбома каманды. «Будзе такая ж какашко, як дэбют ці трошачкі палепей?», — напісаў Зьміцер. Гэты пост выклікаў неадназначную рэакцыю ў Аляксандра Перцава, які даслаў журналісту ліст з знявагамі, абразамі, пагражаючы таму «разгайдаць зуб», калі ён яшчэ нешта напіша. Гэты ліст цалкам цытуецца ў блогу Змітра Безкаравайнага.
«Мой каментар быў не пра асобы музыкаў, а менавіта пра альбом. То бок аніяк гэта нельга тлумачыць як персанальную абразу. А вось яго адказ якраз персанальная абраза з пагрозамі, —кажа Зміцер. — Ствараецца ўражанне, што гэты чалавек гатовы пераследваць абразамі і пагрозамі любога блогера, які напіша пра творчасць гурта Green Pepper нешта, што не адпавядае яго думкам».
Аляксандр Перцаў пацвердзіў у размове з Tuzin. FM, што гэты ліст яго аўтарства, але звярнуў увагу на тое, што ён стаў вынікам доўгай размовы. «Я адэкватны і выхаваны чалавек. Першапачаткова я звяртаўся да Змітра на „вы“ і прасіў, каб ён прынёс прабачэнні і прыбраў сваё выказванне.
Так, гэта яго прыватны блог, але чытаюць яго ля двух тысячаў чалавек. Навошта гэта выносіць? Пакінь сваё меркаванне пры сабе!Па выніку ж, з кантэксту быў выдзернуты апагей майго негатыву. Зрэшты, і там няма брыдкаслоўяў і знявагаў, усе словы літаратурныя», — кажа Аляксандр.
На яго думку, Безкаравайнага «задушыла жаба» з той нагоды, што Green Pepper зараз піша альбом у Рыме і Лондане(Зміцер досыць нізка ацаніў іх дэбютную працу).
Зміцер Безкаравайны кажа, што калі б яго сапраўды ветліва папрасілі, ён бы прыбраў пост, аднак ніякіх «адэкватных» лістоў не атрымліваў.Затое хамскіх каментароў ад Перцава мае досыць, прычым як выказаных у каментарах у блогу, так і дасланых прыватна (усе яны захаваныя). Журналіст сцвярджае, што ніякага асаблівага стаўлення да Green Pepper у яго няма.
«Гурт не тое, каб суцэльна кепскі — музыкі добра валодаюць інструментамі, але з матэрыялам пакуль што бяда.У гэтым кантэксце пафаснае паведамленне пра Лондан і Рым было сапраўды смешным.
Хлопцы яшчэ проста вельмі маладыя — на момант запісу дэбютніка ім было 16, зараз недзе 18. Аляксандр і сам часам на гэта спасылаецца, як на нейкае апраўданне.Мне падаецца, што вялікая яго памылка, — і як менеджара гурту, і як бацькі вакаліста, — у тым, што ён адразу пачаў прасоўваць яшчэ не абстраляны гурт
калі ты лезеш у дарослызаўважае Зміцер Безкаравайны. Ён кажа, што мае ўсе падставы, каб звярнуцца ў суд, але не бачыць сэнсу распачынаць справу: «Мне здаецца, што ён сам сябе пакараў ужо і да таго ж нашкодзіў свайму сыну. Калі ён прынясе прабачэнні — добра, калі не — няхай гэта будзе на яго сумленні».шоў-біз , то і ацэньваюць цябепа-даросламу », —
Аляксандр Перцаў гатовы прынесці публічныя прабачэнні. Але толькі пасля прабачэньняў на свой адрас. «Першы крок зрабіў усё ж ён.
Пасьля свайго „прабачце“, Зміцер атрымае ў трыццаць разоў болей выбачэнняў».
Што да музыкі, то менеджар Green Pepper заўважыў, што
ў апошнія дні цікавасць да гурту істотна ўзрасла і колькасць праслухоўванняў іх трэкаў у сеціве стала большай.Праўда, наўрад ці гэты канфлікт адаб’ецца на рэпутацыі гурту станоўчым чынам.
