Чашніцкія ветэрынары прыйшлі да высновы, што птушаняты баклана з адрэзанымі дзюбамі не жыццяздольныя.
Таму было прынята рашэнне усыпіць няшчасных птушак.
Сёння спецыялісты (ветурач, эколагі і супрацоўнікі МНС) адлавілі і ўсыпілі першых 10 птушанят — з дапамогай снатворнага. Потым «утылізавалі». Аб такім развіцці падзей паведамляе «Камсамолка» са спасылкай на начальніка Чашніцкай раённай інспекцыі прыродных рэсурсаў і аховы навакольнага асяроддзя Юрыя Чарнавусава. Газета піша, што «пакуль птушанё кормяць бацькі, яно яшчэ можа пажыць, але, калі птушаняты стануць на крыло, яны не змогуць самастойна харчавацца».
І ўсыпленне — адзіны гуманны выхад у гэтай сітуацыі…
Напярэдадні ўвечары, калі стала вядома аб трагедыі, у Чашніцкім райвыканкаме прайшло пасяджэнне па гэтым пытанні. На возеры Лукомскае, дзе былі знойдзеныя знявечаныя птушкі, міліцыя абследавала тэрыторыю. Мясцовае РАУС праводзіць расследаванне па гэтым факце і шукае вылюдкаў.
Цяпер чытаюць
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы8
Каментары