Польшча патрабуе хуткага вызвалення Андрэя Пачобута. У сувязі з гэтай справай польскае знешнепалітычнае ведамства выклікала пасла Беларусі ў Польшчы Віктара Гайсёнка.
Амбасадару ўручана нота пратэсту.
З Гайсёнкам сустрэўся намеснік міністра замежных справаў Польшчы Ежы Памяноўскі. Ён заявіў, што падобнага тыпу дзеянні з боку беларускіх уладаў толькі паглыбляюць самаізаляцыю краіны, ускладняючы адносіны з ЕС і выклікаюць чарговую хвалю крытыкі з боку міжнароднай грамадскай думкі.
Гэта можа прычыніцца да яшчэ большага абвастрэння санкцыяў у дачыненьні Мінска – заявіў Ежы Памяноўскі.
Сёння арышт Андрэя Пачобута асудзіла кіраўнік еўрапейскай дыпламатыі Кэтрын Эштан.
0
0
0
0
0
0
