Андрэя Пачобута ўчора ўвечары з ізалятара часовага ўтрымання перавялі ў гродзенскую турму. Яго жонка Аксана сёння занесла яму перадачу, але з Андрэем не пабачылася. У панядзелак зь ім павінен сустрэцца адвакат.
Аксана Пачобут панесла перадачу мужу ў турму, а
«Я яшчэ пакуль у сябе не прыйшла і не вельмі сцяміла, што яму трэба. Тым больш з Андрэем не размаўляла, бо можа ў яго ёсць
Напісала чарговы ліст. Кажа, што ўвесь дзень на нагах.
Малодшы сын, якому два гады і чатыры месяцы, шукае бацьку па кватэры, прыносіць ёй тэлефон, каб яна тату тэлефанавала. Старэйшая дачка, якой 12 гадоў, трымае ўсё ў сабе і сварыцца на маці, калі тая пачынае плакаць.
Пасьля ператрусу ў хаце застаўся адзін стары ноўтбук без клавіятуры, Аксана кажа, што хоць з цяжкасьцю, але сама чытае навіны, якія датычаць справы яе мужа.
«Мне, канешне, вельмі цяжка цяпер, але пакуль я бачу, што людзі салідарныя і падтрымліваюць яго. Але ўсё ж я сябе настройваю на тое, што гэтым разам яго пасадзяць на гадоў пяць, як не болей, і трэба мне неяк вучыцца з гэтым жыць. Бо інакш пазней гэта пяройдзе ў маю бытавую праблему, як ён паедзе ў калонію… Ну вось, неяк так…».
У непрызнаваным уладамі Саюзе палякаў, дзе Андрэй узначальвае галоўную Раду арганізацыі, усе абмяркоўваюць арышт. Мечыслаў Яськевіч, сваяк і сябра Пачобута, сёння сказаў, што ў панядзелак збярэцца Рада і адрэагуе на арышт.
Ён кажа, што апошнім часам Пачобут часта казаў, што яго могуць ізноў арыштаваць, асабліва пасля таго, калі ўлады жорстка разагналі пікет супраць русіфікацыі польскае школы:
«Улады хочуць, каб тут ніякага духу не было, бо яшчэ сёння гэты дух непакорных палякаў ёсць. Ну і, вядома, што яны будуць шукаць прычынаў. А Андрэй сам сказаў, што ўжо шукаюць, бо лазяць па ягоных тэкстах».
Сябры Саюза палякаў хоць і спадзяюцца, што справа Пачобута павінна скончыцца для яго бяз цяжкіх наступстваў, але ўсё больш насцярожвае тое, што афіцыйная прэса нездарма пачала пра гэта паведамляць. Кажа журналістка Гражына Шалкевіч: «Мы ўсе разумеем, што сітуацыя цяпер нашмат складанейшая, чым была летась. Адзін з крымінальных артыкулаў датычыць паклёпу на прэзідэнта, а другі — дыскрэдытацыі Рэспублікі Беларусь. Мы вось тут гэта абмяркоўвалі і прыходзім да высновы, што па першым яго яшчэ можа абараніць адвакат, то па другім абвінавачванні рэальна могуць асудзіць».