«Дынама» будзе нялёгка 2

Сёння на прэс-канферэнцыі Кантынентальнай хакейнай лігі, прысвечанай фармаванню календара на сезон-2012/13, стала вядома, што рэгулярны чэмпіянат стартуе 4 верасня, а скончыцца 17 лютага, паведамляе «Спорт-Экспресс».

Усяго ў рэгулярным чэмпіянаце каманды правядуць па 52 матчы.

Заходняя канферэнцыя:

Дывізіён Баброва: «Віцязь», «Дынама» Масква, «Дынама» Рыга, «Леў», «Слован», СКА, «Данбас».

Дывізіён Тарасава: «Атлант» Мыцішчы, «Дынама» Мінск, «Лакаматыў» Яраслаўль, «Северсталь» Чарапавец, «Спартак» Масква, «Тарпеда» Ніжні Ноўгарад, ЦСКА Масква.

Усходняя канферэнцыя:

Дывізіён Харламава: «Аўтамабіліст», «Ак Барс», «Металург» Магнітагорск, «Нафтахімік», «Трактар​​», «Югра».

Дывізіён Чарнышова: «Авангард», «Амур», «Барыс», «Металург» Навакузнецк, «Салават Юлаеў», «Сібір».

З камандамі да сваім дывізіёне мінчане (трэнер — Кары Хейкіля) правядуць па чатыры гульні, таксама чатыры гульні будуць праведзеныя з рыжскімі дынамаўцамі.

Першы матч у новым сезоне «Дынама» згуляе ў гасцях з «Нафтахімікам» (6 верасня).

8 верасня гульня на выездзе з «Ак Барсам», а 10 — з «Салават Юлаевым».

Першы матч у Мінску пройдзе 13 верасня, у сталіцу Беларусі прыедзе навічок КХЛ славацкі «Слован». 15 верасня — гульня з ЦСКА.

Два апошнія сезоны мінскае «Дынама» пад кіраўніцтвам Марэка Сікоры, што ў сакавіку завяршыў трэнерскую кар’еру, прабівалася ў плэй-оф, але выбывала ў першым коле.

Поўны каляндар матчаў «Дынама»

.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ