Касацыйную скаргу па справе журналіста Еўрарадыё разгледзяць 29 чэрвеня 2

Разгляд скаргі прызначаны на 15.00. Нагадаем, што журналіста Паўла Свярдлова затрымалі ў мінулую пятніцу, каля 10-й гадзіны раніцы ля пад’езда яго дома. Ужо пасля абеду Свярдлова адвезлі ў суд, дзе журналісту прысудзілі 15 сутак арышту за лаянку ў публічным месцы. У той жа дзень ля офіса Еўрарадыё дзяжурыла некалькі спецаўтамабіляў, а людзі ў цывільным, якія прадставіліся вахцёрцы супрацоўнікамі міліцыі, цікавіліся іншым журналістам — Віталём Ругайнам.

Калектыў Еўрарадыё схіляецца да думкі, што арышт Свярдлова і ціск на іншых журналістаў можа быць звязаны з іх прафесійнай дзейнасцю і некаторымі публікацыямі. У прыватнасці, з матэрыялам аб паўтарэнні шляху Канавалава і Кавалёва ў метро з вялікай сумкай.

Еўрарадыё

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ