На фестывалі «Тэатральны куфар» будуць два спектаклі па-беларуску 1

9-ы Міжнародны фестываль студэнцкіх тэатраў «Тэатральны куфар» прадставіць 13 спектакляў з 11 краін: Беларусі, Кітая, Грузіі, ЗША, Уругвая, Украіны, Балгарыі, Францыі, Літвы, Філіпінаў і Расіі. Пра гэта паведаміла дырэктар фестывалю Кацярына Саладуха 27 чэрвеня на прэс-канферэнцыі ў Мінску.

Паводле яе слоў,

фестываль пройдзе ад 2 да 6 ліпеня ў рамках IX Сусветнага кангрэса Міжнароднай асацыяцыі ўніверсітэцкіх тэатраў.

Ён адкрыецца спектаклем «Сям’я» тэатра Цэнтральнай акадэміі драмы Пекіна, які будзе паказаны 2 ліпеня, а 19.00 ў Доме культуры прафсаюзаў. Закрые фэст спектакль «Ілюзіён» тэатра «Мост» Маскоўскага дзяржаўнага ўніверсітэта, які будзе паказаны 6 ліпеня ў 21.00 у ліцэі БДУ. Як падкрэсліла Саладуха, усе спектаклі вельмі высокай якасці.

Трынаццаць удзельнікаў фестывалю былі адабраныя прыкладна з 70 заявак ад студэнцкіх тэатраў.

«Да нашага ўсеагульнага шчасця, — адзначыла Саладуха, — у праграме» Тэатральнага куфра «з’явіліся спектаклі на беларускай мове — гэта «Колы» і «Без назвы» тэатраў БДУ «На балконе» і «Тэатральны квадрат».

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ