Сёння адбудзецца фінал Еўра-2012, у якім згуляюць зборныя Іспаніі ды Італіі. Матч пройдзе на кіеўскім стадыёне «Алімпійскі» і пачнецца ў 21:45 па мінскім часе.
Зборная Іспаніі мае перад супернікам перавагу ў колькасці выйграных чэмпіянатаў Еўропы. «Чырвоная фурыя» рабілася чэмпіёнам Еўропы двойчы: у 1964 годзе іспанцы ў сябе на радзіме перамаглі зборную СССР, а на Еўра-2008, які праходзіў у Аўстрыі і Швейцарыі, іспанская зборная перамагла нямецкую.
«Скуадра Адзура» перамагла на Еўра аднойчы. У 1968 годзе ў сябе на радзіме італьянцы перамаглі зборную Югаславіі. Той чэмпіянат запомніўся сваім паўфіналам. У ім зборныя Італіі і СССР згулялі ў нічыю, у выніку лёсавання ў фінал прайшла Італія.
На чэмпіянатах свету італьянскія футбалісты на галаву вышэйшыя за калегаў з Іспаніі. Яны чатыры разы рабіліся чэмпіёнамі свету, іспанцы — аднойчы.
Што да алімпійскіх гульняў, то тут у фіналістаў Еўра-2012 нічыя 1:1.
Абедзьве зборныя каштуюць каля мільярда еўра.
