Спякотна будзе да канца тыдня
6—7 ліпеня максімальная тэмпература паветра дасягне плюс 30—34°С, месцамі па паўднёвым захадзе краіны — да плюс 35°С.
Згодна з прагнозам Рэспубліканскага гідраметэацэнтра, у найбліжэйшыя суткі, 6 ліпеня, у Беларусі прагназуецца пераменная воблачнасць. Ноччу па паўночным захадзе, днём месцамі па краіне кароткачасовыя дажджы, у асобных раёнах навальніцы. Вецер паўднёва-ўсходні, усходні 3–8 м/с, пры навальніцах парывы да 14 м/с. Тэмпература паветра мінімальная ноччу +14–21°С, максімальная днём +30–34°С, па паўночным усходзе +26–29°С.
У Мінску 6 ліпеня пераменная воблачнасць. Без істотных ападкаў. Вецер паўднёва-ўсходні, усходні 3–8 м/с. Тэмпература паветра мінімальная ноччу +18–20°С, максімальная днём каля +30°С.
7–8 ліпеня па краіне прагназуецца пераменная воблачнасць. Месцамі кароткачасовыя дажджы, навальніцы. Вецер усходні, паўднёва-ўсходні 4–9 м/с, пры навальніцах парывы да 14 м/с. Тэмпература паветра мінімальная ноччу +14–21°С, максімальная днём +26–33°С, па паўднёвым захадзе месцамі да +35°С.
БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ