Пераможцам «Славянскага базару» стаў спявак з Македоніі 3

Пераможцам XXI Міжнароднага конкурсу выканаўцаў эстраднай песні «Віцебск-2012» на фестывалі «Славянскі базар у Віцебску» стаў прадстаўнік Македоніі Бобан Майсоўскі, які набраў па выніках двух дзён конкурсу 199 балаў.

Другое месца заняла Саманта Ціна з Латвіі, што адстала ад македонца на два балы. Трэцяе месца — ва ўкраінкі Галіны Конах (192 балы).

Беларус Яўген Славіч заняў на конкурсе 7-е месца.

Астатнія ўдзельнікі завяршаюць конкурс з наступнымі вынікамі:

Фэдэрыка Марынары (Італія) — 187 балаў;

Славіна Калканджыева (Балгарыя) — 185 балаў;

Дарыя Габдул (Казахстан) — 184 балы;

Яўген Славіч (Беларусь) 183 балы;

Руслан (Арменія) — 183 балы;

Саша Сонг (Літва) — 180 балаў;

Луселіа Ролдан (Куба) — 179 балаў;

Сюзана Дзініч (Сербія) — 176 балаў;

Анастасія (Расія) — 175 балаў;

Аляксандру (Румынія) — 172 бала;

Алена Трыбой (Малдова) — 172 бала;

Давід Гром (Славенія) — 171 бал;

Джорджэ Яванчыч (Боснія і Герцагавіна) — 168 балаў;

Міхаела Наскова (Чэхія) — 166 балаў;

Карына (Эстонія) — 165 балаў;

Карына Газіянц (Узбекістан) — 162 балы;

Іва (Чарнагорыя) — 154 балы.

Усяго ў конкурсе бралі ўдзел 20 выканаўцаў з дваццаці краін. Прадстаўніца Харватыі Ніка Антолас па невядомых прычынах у Віцебск не прыехала.

У першы дзень конкурсу, 14 ліпеня, удзельнікі выконвалі песню на нацыянальнай мове пад фанаграму «мінус адзін». Сёння яны выступалі з песняй на адной з славянскіх моў пад акампанемент Нацыянальнага акадэмічнага канцэртнага аркестра Рэспублікі Беларусь. Пасля выканання песні ўдзельнікі таксама прамаўлялі прызнанне ў каханні на сваёй нацыянальнай мове.

Ганараванне пераможцаў адбудзецца 16 ліпеня ў Віцебскай абласной філармоніі. Уладальнік Гран-пры конкурсу атрымае ў падарунак 15 тысяч даляраў, першай прэміі — 9 тысяч, другі — 6 тысяч, трэцяй — 3 тысячы даляраў.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ