Адкрыццё фестывалю адбудзецца 31 жніўня. Скончыцца фестываль 3 верасня адкрыццём выставы габеленаў беларускай мастачкі Святланы Баранкоўскай у зале Аддзела літаратуры на замежных мовах Талінскай цэнтральнай бібліятэкі.
Арганізатары — Беларускі
Днём 31 жніўня Талін чакае незвычайная з’ява. Вуліцамі старога горада будуць шпацыраваць людзі ў залатых скафандрах і плашчах. Гэтая культурная акцыя з’яўляецца часткай фестывалю і носіць назву «Промні сонца».
Фронтмэн адкрыцця фестывалю Піт Паўлаў, лідар гурта НРМ, кажа: «Арганізатары фестывалю паведамілі мне, што ён пакуль праходзіць фармаце «чалавек з гітарай». Мне гэты фармат знаёмы, таму я саджуся ў машыну і еду да вас у Эстонію, якую я вельмі люблю. Да гэтага ў Таліне я пабываў з канцэртам у пасольстве Польшчы. Зараз я буду спяваць для публікі на беразе мора. Гэтая ідэя мне вельмі падабаецца. Нагадваю ўсім, што форма адзення — залатая.
1 верасня адбудзецца іншая акцыя ў рамках фестывалю — «Беларускі велапрабег». Удзельнікі на роварах накіруюцца з Палдыскі ў бок Таліна. Маршрут будзе пралягаць па маляўнічых месцах узбярэжжа Балтыйскага мора.
У нядзелю, 2 верасня, удзельнікі фестывалю накіруюцца ў Хельсінкі. Там будзе праходзіць першая ў гісторыі беларускай культуры экскурсія «Хельсінкі Васіля Быкава». Беларускі класік жыў у гэтым горадзе з 1997, знаходзячыся ў эміграцыі. Праводзіць экскурсію будзе фінскі сябар Быкава — жыхар Хельсінкі.
Надмагільны камень Быкава ў Мінску — валун з наваколляў Хельсінкі. Гэта знак павагі памяці пісьменніка ад муніцыпалітэта фінскай сталіцы.
Далучыцца да ўдзелу ў фестывалі можа кожны. Узнос у ганарарнай фонд складае 10 еўра. У арганізатараў можна ўзяць у арэнду палаткі і ровары. Падрабязная інфармацыя — на старонцы фестывалю.
