Легендарнага плыўца вінавацяць у прыхаванай рэкламе.
22-разовы прызёр Алімпійскіх гульняў, 18-разовы алімпійскі чэмпіён Майкл Фэлпс, паводле брытанскай прэсы, парушыў 40-е правіла Міжнароднага алімпійскага камітэта. За гэта яго могуць пазбавіць медалёў, заваяваных на Гульнях у Лондане.
Згодна з правілам, агучаным сёлета, ніводзін з спартсменаў, якія бяруць удзел у алімпійскіх спаборніцтвах, ад 18 ліпеня да 15 жніўня не мае права быць задзейнічаны ў неалімпійскіх маркетынгавых кампаніях.
Скандал разгараецца з-за двух фота, на якіх спартсмена знялі з торбамі Louis Vuitton. На адным з іх плывец выяўлены разам з легендарнай савецкай гімнасткай Ларысай Латынінай. Фірменная сумка на здымку знаходзіцца ў яго пад нагамі. На другой фатаграфіі Фэлпс прымае ванну, а сумка знаходзіцца пад ёй.
Паведамляецца, што здымкі былі апублікаваныя вядомым фатографам - Ані Ляйбовіц.
Французскі дом моды ўжо заяўляе, што гэта - неафіцыйныя здымкі, і што яны былі выкрадзеныя ў кампаніі.Аб гэтым, у прыватнасці, паведаміў прадстаўнік Louis Vuitton брытанскай газеце The Daily Mail.
Прадстаўнікі Фэлпса таксама сцвярджаюць, што яны не давалі згоды на публікацыю фатаграфій.
Цяпер усё залежыць ад таго, ці наўмысна выйшлі ў свет фота, альбо ж яны сапраўды трапілі на ўсеагульны агляд нелегальным шляхам.
Фота са спартсменам былі апублікаваныя на розных сайтах яшчэ 13 жніўня. Цяпер
Фэлпс можа страціць медалі, заваяваныя ў Лондане - усяго ён выйграў 4 залатыя і 2 срэбраныя ўзнагароды.
Цяпер чытаюць
«Калаўра мы не пакрыўдзілі»: стала вядома пра новае месца працы былога старшыні Нацбанка3
Каментары