Экіпаж ДАІ трапіў у сур'ёзнае ДТЗ у часе пагоні за парушальнікам у Мінску + фота 15

Экіпаж ДАІ трапіў у сур’ёзнае дарожна-транспартнае здарэнне падчас пагоні за парушальнікам, паведаміў прэс-сакратар ГУУС Мінгарвыканкама Аляксандр Ластоўскі.

Сёння каля 4.30 у Кастрычніцкім раёне Мінска кіроўца Volkswagen Polo не спыніўся на патрабаванне інспектараў ДАІ і кінуўся наўцёкі.

Пачалася пагоня. Неўзабаве да яе далучыўся экіпаж ДАІ Маскоўскага раёна.

У нейкі момант, праязджаючы па вуліцы Чыгуначнай, інспектар у «Ладзе Прыёра» не справіўся з кіраваннем, і аўтамабіль ўрэзаўся асвятляльную мачту. Кіроўца і яшчэ адзін інспектар у салоне аўтамабіля атрымалі сур’ёзныя траўмы.

З пашкоджанага аўтамабіля іх выцягнулі ратавальнікі пры дапамозе гідраўлічнага інструмента, пасля чаго інспектараў тэрмінова даставілі ў бальніцу хуткай дапамогі.

Парушальніка затрымалі на праспекце Любімава. Ён быў п’яны — у яго крыві медыцынскі агляд выявіў 1,77 праміле.

«Больш за тое, у затрыманага не было правоў кіроўцы, а раней ён быў судзімы і адбываў пакаранне за забойства», — распавёў Аляксандр Ластоўскі.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ