Пры лёсаванні групавога этапу Лігі чэмпіёнаў, якое пройдзе вечарам у чацвер!, БАТЭ будзе пасеяны ў чацвёрты кошык.
На дадзены момант, а сёння адбудуцца яшчэ 5 матчаў ЛЧ, кошыкі выглядаюць так.
1-і кошык: «Мілан» (Італія), «Чэлсі» (Лондан, Англія), «Барселона» (Іспанія), «Манчэстэр Юнайтэд» (Англія), «Баварыя» (Мюнхен, Нямеччына), «Рэал» (Мадрыд, Іспанія), «Арсенал» (Лондан, Англія), «Порту» (Партугалія).
2-і кошык: «Валенсія» (Іспанія), «Бенфіка» (Партугалія), «Шахцёр» (Данецк, Украіна), «Зеніт» (Пецярбург, Расія), «Шальке-04» (Гельзэнкірхен, Нямеччына), «Манчэстэр Сіці», «Брага» (Партугалія), «Дынама Кіеў».
3-і кошык: «Алімпіякас» (Афіны, Грэцыя), «Аякс» (Амстэрдам), «Базэль» (Швейцарыя), «Андэрлехт» (Брусэль, Бельгія), «Ювентус» (Турын, Італія), «Капенгаген» (Данія), «Спартак» (Масква, Расія).
4-і кошык: «ПСЖ» (Парыж, Францыя), «Галатасарай» (Стамбул, Турцыя), «Селтык» (Глазга, Шатландыя), «Барусія» (Дортмунд, Нямеччына), БАТЭ, «Дынама» (Заграб, Харватыя), «Малага» (Іспанія), «Манпелье» (Францыя), «Нордшэланд» (Данія).
Такім чынам у групу да БАТЭ трапіцца па адной камандзе з кошыкаў 1, 2 і 3.
Каго б Вы хацелі пабачыць у Мінску?
Лёсаванне пройдзе вечарам чацвярга 30 жніўня ў Манака. Пачатак у 18:45. Яго пакажуць на канале «Еўраспорт».
Мары-летуценні фанаў з Рэдакцыі «Нашай Нівы»: «Манчэстэр Юнайтэд», «Шахцёр» Данецк, «Аякс», БАТЭ.
Атрымаем: «Порту», «Шальке», «Базэль». А што думаеце Вы?
БАТЭ трэці раз будзе гуляць у групавым турніры Лігі чэмпіёнаў.
У 2008 г. яго супернікамі былі «Рэал», «Ювентус» і «Зеніт», у мінулым годзе — «Барселона», «Мілан» і «Вікторыя» Пльзень.
nn.by
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
