У Бразіліі зарэгістравалі шлюб мужчыны і дзвюх жанчын 8

Грамадскасць у Бразіліі абмяркоўвае беспрэцэдэнтнае рашэнне натарыуса, якая выдала дазвол на шлюбны саюз адразу траіх людзей.

Для таго, каб даць назву факту, юрыстам прыйшлося прыдумаць новае паняцце, так як адпаведных слоў у сучаснай партугальскай мове не знайшлося.

Інцыдэнт, які выклікаў палеміку, адбыўся ў Сан-Паўлу.

Натарыус Клаўдыя Нашыменту Дамінгеш палічыла, што бразільскія законы не забараняюць шматжонства і дазволіла мужчыну і дзвюм жанчынам, якія пражываюць у Рыа-дэ-Жанейра, зарэгістраваць шлюб. Трыа, якое прыйшло да натарыуса, патлумачыла свой намер імкненнем забяспечыць кожнага ўдзельніка саюза пэўнымі фінансавымі гарантыямі і абараніць яго правы, на выпадак, калі з адным членам нетрадыцыйнай сям’і адбудзецца якое-небудзь няшчасце, ці ён захоча аформіць развод.

Як паведамляе CNN, мужчына і жанчыны жывуць разам ужо доўгія гады. Ім 30 гадоў, іх імёны не называюцца.

Рашэнне натарыуса выклікала крытыку яе калегаў.

Так, кіраўнік камітэта па пытаннях сям’і Сан-Паўлу Рэгіна Таварэш дэ Сілва заявіла, што катэгарычна адмаўляецца прызнаць зарэгістраваную сям’ю.

«Усё гэта супярэчыць нашай канстытуцыі», — заявіла Сілва. «Манагамія вызначаецца як адносіны паміж двума, а не трыма ці пяццю».

Акрамя юрыстаў і чыноўнікаў сваю незадаволенасць таксама выказалі прадстаўнікі мясцовых рэлігійных арганізацый, заявіўшы, што Дамінгеш «руйнуе інстытут сям’і».

У адказ на абвінавачванні 39-гадовая Дамінгеш, якая абараніла доктарскую дысертацыю на тэму палігаміі, заяўляе, што не бачыць прычын не зарэгістраваць саюз людзей, якія жывуць разам і любяць адзін аднаго, а таксама карыстаюцца адным банкаўскім рахункам.

«Даўшы ім дазвол на рэгістрацыю стабільным саюзам, я ўсяго толькі юрыдычна пацвердзіла, што яны ўсведамляюць сябе адной сям’ёй», — сказала натарыус. «Я не даю ім ніякіх правоў. Гэтым няхай займаецца суддзя», — дадала жанчына.

У чаргу да Дамінгеш ужо сталі дзясяткі нетрадыцыйных пар, жадаючы зарэгістраваць шлюб.

gazeta.ru

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ