03.09.2012 / 14:42

СК: На целе музыкі Алега Клімчанкі няма слядоў ад удару токам 7

Следчы камітэт праводзіць праверку.

Цэнтральным раённым аддзелам (Гомель) упраўлення Следчага камітэта прызначана праверка па факце смерці 35-гадовага Алега Клімчанкі, музыканта гурту Litvintroll.

Як паведаміла афіцыйны прадстаўнік упраўлення Следчага камітэта па Гомельскай вобласці Марыя Крываногава, устаноўлена, што прыкладна ў 19.15 музыкант выйшаў на сцэну і хутка паваліўся.

Бачнага ўзгарання ці задымлення не назіралася. Медыкі праводзілі рэанімацыйныя мерапрыемствы, але беспаспяхова. Пры пярвічным аглядзе на целе загінулага не было выяўлена слядоў паражэння электрычным токам.
Прызначана судова-медыцынская экспертыза, якая ўстановіць прычыну смерці. Праводзіцца праверка электраабсталявання.

Нагадаем, 2 верасня ў Гарадскім цэнтры культуры (Гомеля) падчас рок-фестывалю MASS MEDIUM 2012 на сцэне загінуў удзельнік гурту Litvintroll Алег Клімчанка. Як паведамілі БелаПАН відавочцы, здавалася, што басіст гурту загінуў падчас выступлення ад удару электрычным токам. Канцэрт быў спынены, выклікалі хуткую дапамогу, усіх гледачоў вывелі з залы. Але выратаваць чалавека не ўдалося, ён памёр.

Рок-фестываль MASS MEDIUM праводзіўся ў Гомелі ўжо дванаццаты раз. Сёлета падчас шасцігадзіннага музычнага марафону было запланавана выступленне адзінаццаці рок-гуртоў.

* * *

Алег Клімчанка нарадзіўся ў 1976 годзе. Выступаў у складзе гуртоў Ossuary, Partyzone і Litvintroll.

Litvintroll — беларускі фолк-метал гурт, заснаваны ў 2005 годзе вакалістам і дударом Андрэем Апановічам і ўдарнікам Сяргеем Тапчэўскім. Тэксты гурту — на беларускай і англійскай мовах, як правіла, маюць казачны або фэнтэзійны сюжэт. У 2009 годзе выйшаў дэбютны альбом гурту Rock’n’Troll, у які ўвайшлі некалькі вольных інтэрпрэтацый беларускіх народных песень, варыяцыі на музычныя тэмы сярэдневяковай Еўропы і сучаснай Амерыкі, а таксама песні, што распавядаюць пра нялёгкае жыццё бадзяжных музыкантаў, лясных, горных і іншых троляў.

0
VALKYRIJA / Адказаць
03.09.2012 / 15:50
Калі б медычная брыгада з абсталяваннем дзяжурыла ля сцэны, як на еўрапейскіх фэстах, магчыма, чалавека можна было б выратаваць... ------------------- Увогуле, многія музЫкі, асабліва салісты знаходзяцца ў стрэсавым стане, нават не заўважая гэтага, бо адчуваюць эйфарыю... Я сама гэта спытала ў спартовых спаборніцтвах... толькі пасля адчувала, што нагрузкі вышэй маіх прыродных сілаў, таму і сышла... Як вядома, многія вядомыя сусветныя музЫкі кампенсавалі "напругу" спіртным і наркотыкамі... ------------------------------------- Вельмі сумна!!!
0
Редакции / Адказаць
03.09.2012 / 18:08
Дзякуй, выправілі. - Рэд.
0
Буркина-Фасо / Адказаць
04.09.2012 / 08:50
Идентичная ситуация: http://old.euroradio.fm/ru/168/news/6090/ До сих пор причина смерти Василия неясна, хотя многие факты говорят о несоблюдении технической безопасности концерта. "Причины происшедшего до сих пор неизвестны. Вскрытие результатов не дало. Криминалисты записали в протокол «Причина смерти неизвестна. Возможно, произошла внезапная остановка сердца…» Но это, по меньшей мере, странно: Василию был всего 31 год, на сцене он был абсолютно трезв, и никаких проблем с сердцем не имел. Родные Васи и многие очевидцы утверждают, что Васю ударило на сцене током, когда он коснулся железного ограждения. Этим может объясняться и странное заключение криминалистов. Если бы правда вышла наружу, кое-кто из борисовских чиновников -- организаторов «купальских гуляний», мог бы оказаться за решеткой. Но родственники не стали поднимать шума. И правды теперь мы уже никогда не дознаемся… " (http://www.nestor.minsk.by/mg/articles/2007/31/0500.html)
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру