Юрый Данькоў.
Прадстаўнік Следчага камітэта па Мінску Аляксандр Герасімаў паведаміў, што ў«Данькаў-клубе» ў дадзены момант адбываюцца следчыя дзеянні. Юрый Данькоў затрыманы па прыкметах злачынства, прадугледжанага ч. 2 арт. 171 Крымінальнага Кодэкса — «выкарыстанне прастытуцыі і стварэне ўмоваў для занятку прастытуцыяй службовай асобай».
Раней паведамлялася, што Следчым камітэтам заведзена крымінальная справа ў адносінах да мастацкага кіраўніка і адміністратара мінскага
Як паведамілі ў аддзеле інфармацыі і сувязі з грамадскасцю СК, з матэрыялаў крымінальнай справы вынікае, што падазраваныя з 2006 года па сёння па месцы працы выкарыстоўвалі заняткі прастытуцыяй у карыслівых мэтах, а таксама прадстаўлялі памяшканні для заняткаў прастытуцыяй.
Так супала, што ў момант ператрусу ў клубе быў праваабаронца Цімох Дранчук.
Ён бачыў, як на працу прыехаў Юрый Данькоў. І праз хвіліну зайшлі пяцёра чалавек у камуфляжы і масках, а таксама група следчых на чале з Аляксандрам Азаравым, намеснікам начальніка галоўнага ўпраўлення па барацьбе з арганізаваным злачынствам і карупцыяй МУС.
Па яго словах, Данькову прад’явілі пастанову на затрыманне і вобшук у працоўных памяшканнях.
У Цімафея Дранчука перапісалі пашпартныя дадзеныя і папрасілі не карыстацца мабільнікам, прыгразіўшы затрымаць. А хвілін праз дзесяць адпусцілі.