У Інтэрнэце ўпершыню апублікаваны спісы кадравых супрацоўнікаў падраздзяленняў КДБ. На інтэрнэт-старонцы «Дзейнасць КДБ у Літве» выстаўлены 628 дакументаў, якія адлюстроўваюць дзейнасць падраздзяленняў КДБ у гарадах і раёнах Літвы, яе спецыфіку і спісы агентаў.
«Цяпер ёсць інфармацыя з усіх раёнаў. Гэтыя спісы апублікаваныя ўпершыню», - сказала кіраўнік цэнтра Тэрэса-Бірутэ Бураўскайце.
«У структуры КДБ быў цэнтральны апарат -- матэрыялы мы ўжо размясцілі згодна з раздзеламі, кіраўніцтвам, службамі, таксама былі падраздзяленні ў гарадах і раёнах. Зараз апублікаваныя дакументы гарадоў і раёнаў», - распавядае яна.
Усяго ў акупаванай СССР Літве дзейнічалі пяць аддзелаў ў вялікіх гарадах і 44 пададдзелы ў гарадах і раёнах.
Па падліках BNS, апублікаваныя імёны 53 кадравых супрацоўнікаў, якія працавалі ў Вільні, каля 300 у Каўнасе, 98 - у Клайпедзе.
