У Ерусаліме адзначаць угодкі ўсталявання таблічкі «Ойча наш» па-беларуску

Летась у кастрычніку ў ерусалімскім храме Pater Noster адбылося афіцыйнае адкрыццё шыльды з тэкстам галоўнай хрысціянскай малітвы «Ойча наш» па-беларуску.

На дадзены момант на Святой Зямлі знаходзяцца малітоўныя пліты на 165 мовах свету. Таму, безумоўна, з’яўленне тэксту звароту да Госпада на беларускай мове стала знакавай падзеяй для вернікаў Беларусі. У міжнароднай супольнасці і канфесійным свеце гэта цудоўны факт сведчання веры нацыі. Тысячы паломнікаў бачаць тут малітву Гасподнюю па-беларуску, успамінаючы нашу краіну, молячыся за яе.

17 верасня 2012 года, а 10-й раніцы, дзякуючы Каталіцкаму Касцёлу і Piligrymka.by, на Аліўнай гары ў Ерусаліме збяруцца 250 паломнікаў з усёй Беларусі з падзякай Богу за дар роднай мовы. У шчырай малітве аб’яднаюцца вернікі розных канфесій, як і мае быць, бо не было для Хрыста падзелу паміж элінамі і іўдзеямі. Адбудзецца супольнае святкаванне, якое асвеціцца радасцю душаў людскіх.

Хрысціяне ведаюць Аліўную гару як Элеонскую («Элеона» ў перакладзе з грэцкай — «аліўны гай»). Тут Госпад узнёсся ў славе. Тут Хрыстос вучыў апосталаў маліцца. Менавіта праз гэты евангельскі ўспамін вернікі вучацца ўдасканальваць сваю малітву. Хрысціяне з розных краін свету ўзносяць маленні да Госпада за сябе, сваякоў, усіх людзей, цэлы свет. Нашыя суайчыннікі моляцца за Беларусь, свабоднае жыццё ў ёй паводле Божых запаветаў.

Каардынатарам пілігрымак на Святую Зямлю выступае ксёндз Віцебскай дыяцэзіі Вячаслаў Барок. Сотні вернікаў здзяйсняюць свае мары, наведваючы святыні і ўшаноўваючы рэліквіі, звязаныя з Ісусам Хрыстом. Падарожжы разлічаныя на шырокае кола ахвотнікаў. Людзі розных рэлігій, канфесій, поглядаў яднаюцца падчас шляху да галоўных святыняў свету. Няхай для многіх Ізраіль — гэта найперш старажытная гісторыя і культура, незвычайныя краявіды, аднак духоўнасць заўсёды пераважае. На гэта разлічаная насычаная праграма, складзеная арганізатарамі пілігрымак. Паездка ў Святую Зямлю — адкрыццё «жывой Бібліі». Пілігрымы крочаць святымі месцамі, дзе калісьці хадзілі Аўраам, Давід, Дзева Марыя і сам Хрыстос. Для многіх такія падарожжы — штуршок да асабістай святасці, на тое яна і Святая Зямля, каб адбываліся добрыя перамены.

Такі адпачынак стаецца незабыўным, бо карысны для здароўя душы, цела і розуму. Арганізатары паломніцтва стараюцца забяспечыць духоўную апеку, кожны раз групу паломнікаў суправаджае святар.

У канцы кастрычніка адбудзецца чарговае падарожжа на Святую Зямлю. Сярод безлічы святыняў, якія можа наведаць пілігрым, храм Pater Noster можа стаць яшчэ адной нагодай, каб здзейсніць паломніцтва, молячыся за Беларусь, захоўваючы і ўшаноўваючы родную мову — душу народа «краіны пад белымі крыламі».

Ірына Лобан

Наша Ніва / NN.BY – незалежная газета. Яна існуе на ахвяраванні і грошы з продажаў. Таму яна адлюстроўвае інтарэсы беларускага грамадства, а не дзяржавы. Наша Ніва была заснаваная ў 1906, адноўленая ў 1991.
Ахвяраваць грошы на НН праз WebMoney
Ваша імя (неабавязкова):
Сума (WMB):
Тамаш напiсаў(ла) 14 верасня 2012 у 14:48
Што за "таблічкі"? Шыльды!
Дадаць каментар (прэмадэрацыя)

Націсканьне кнопкі «Дадаць каментар» азначае згоду з рэкамендацыямі па абмеркаванні.

Спам-фільтр: падлічыце, колькі будзе...

не бачу сімвалы
Галоўнае
Дашлі сваю навіну
Усе навіны
Курсы валют
24.10 НБ РБ
USD 10690
EUR 13520
RUB 258
PDF-версія
24
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Гарачыя тэмы
© ПУП «Суродзічы». Усе правы абароненыя. Выкарыстанне матэрыялаў дазваляецца пры ўмове спасылкі (для інтэрнэт-рэсурсаў - гiперспасылкi) на «НН»
Кантакт з Рэдакцыяй: пошта: nn@nn.by; тэлефоны: +375 17 284-73-29 (тэл./факс), +375 29 613-32-32 (Velcom), +375 29 707-73-29 (МТС). Skype: nashaniva
Дызайн сайта ТО «Brama»
www.brama.by
brama.art@gmail.com
Сістэма Orphus RATING ALL.BY