14.09.2012 / 13:26

Пасля скандалу старшыня Ельскага раёна адмовіўся купляць Touareg за 600 млн

Цяпер Леанід Пісанік ездзіць на Nissan.

У райвыканкаме за свайго старшыню хвалююцца, кажуць, што машына чыноўніка ўжо старая.

«У старшыні Нісан. Яна старая вельмі. Развальваецца», — кажуць у выканкаме.

Напрыканцы жніўня Ельскі райвыканкам аб’явіў аўкцыён на куплю новага аўтамабіля. Чыноўніку быў патрэбны менавіта Touareg V6 TDI Tiptronic. Цана 600 мільёнаў рублёў, аплата з мясцовага бюджэту.

Карэспандэнты пацікавіліся, ці купілі ў выканкаме аўто. Там кажуць, што машыну не купілі і адмаўляюцца ад далейшых каментароў, адсылаючы на сайт дзяржзакупаў.

А вось на сайце ўказана, што аўкцыён адменены і аб’яўлены…памылковым.