Сёння ў свабодны продаж паступяць білеты на матчы БАТЭ у Лізе чэмпіёнаў

Нагадаем, што ў сераду, 12 верасня, квіткі маглі набыць чальцы клуба БАТЭ, а таксама ўладальнікі абанементаў. У чацвер і пятніцу пакеты маглі купіць уладальнікі квітка на матч плэй-оф з «Хапаэлем», што прайшоў у Мінску 22 жніўня.

Ад суботы, 15 верасня (субота), білетныя пакеты будуць прадавацца для ўсіх астатніх аматараў футбола.

Кошт білетных пакетаў у залежнасці ад катэгорыі — 700 000, 450 000 і 200 000 рублёў.

Адзінкавыя квіткі на гульню з «Баварыяй» паступяць у продаж толькі 1 і 2 кастрычніка.

Іх кошт у залежнасці ад катэгорыі — 300 000, 200 000 і 80 000 рублёў.

Матч з «Баварыяй» пройдзе ў Мінску 2 кастрычніка, з «Валенсіяй» — 23 кастрычніка, «Лілем» — 20 лістапада.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ