У суботу прайшлі матчы 24-га тура чэмпіянату па футболе.

У матчы 24-га тура чэмпіянату Беларусі па футболе барысаўскі БАТЭ выйграў у «Тарпеда-БелАЗа» (Жодзіна) з лікам 2:0 (Паўлаў, 66, Сіміч, 76).

Нагадаем, што 19 верасня БАТЭ возьме старт у групавым раўндзе Лігі чэмпіёнаў, згуляўшы ў Францыі з «Лілем».

«Ліль» сёння ў гасцях згуляў унічыю з «Труа» — 1:1.

Пасля 5 тураў клуб займае 10-ы радок у чэмпіянаце. У «Ліля» адна перамога, тры нічыі, адна параза.

***

«Белшына» — «Дынама» Мінск — 0:2, «Нафтан» — Шахцёр» — 1:2, «Брэст» — «Гомель» — 2:1, «Мінск» — «Славія» — 3:0.

Становішча камандаў: БАТЭ — 48 (21 гульня), Шахцёр — 47 (22), Дынама Мінск — 41 (21), Гомель — 36 (20), Мінск — 30 (21), Нёман — 25 (21), Славія — 21 (21), Белшына — 20 (21), Тарпеда — 19 (22), Брэст — 18 (21), Нафтан — 18 (22).

Чатыры матчы 25 тура пройдуць 22 верасня, а ў нядзелю, 23 верасня, у Мінску згуляюць «Дынама» і БАТЭ.