19.09.2012 / 11:41

Гурток «Беларуская культура» запрашае дзяцей малодшага школьнага ўзросту 3

У праграме: Мова і літаратура Беларусі, беларускія народныя традыцыі, дзіцячы фальклор і гісторыя роднага краю.

У гродзенскім Палацы творчасці дзяцей і моладзі працуе гурток «Беларуская культура». Дзейнасць гуртка разлічана на малодшы школьны ўзрост і будуецца на выснове тэарэтычных і практычных заняткаў з выкарыстаннем сучасных методык і тэхналогій. Для большага разумення і запамінання тэм, шмат часу адводзіцца гульням і практычным заняткам.

Праграма ўключае:

Мова і літаратура Беларусі

Мова продкаў. Першыя пісьмовыя крыніцы. Мова старажытных летапісаў. Рукапісная кніга. Аб паходжанні беларускіх слоў. Мастацкае слова і перыяды яго развіцця. Беларуская літаратура сярэднявечча і беларускія асветнікі. Першая друкаваная кніга ў Беларусі.

Пісьменнікі Гродзеншчыны. Месцы, звязаныя з імі. Нашы мясціны ў творах мастацкай літаратуры. Сучаснае літаратурнае жыццё горада. Літаратурныя аб’яднанні, таварыствы, клубы. Літаратурныя старонкі ў мясцовай газеце.

Беларускія народныя традыцыі

Новы год і Каляды. Калядныя і навагоднія звычаі беларусаў і іншых народаў. Масленка. Гуканне вясны. Вялікдзень. Прыкметы, якія суправаджаюць кожнае свята.

Дзіцячы фальклор

Беларускія народныя казкі. Прыказкі і прымаўкі. Загадкі. Легенды і паданні. Фальклорныя матывы ў творах беларускіх пісьменнікаў (Купалы, Коласа, Танка і інш.). Гульні дзяцей беларусаў у калядна-абрадавых святах. Вобраз казы, мядзведзя і іншых звяроў у вераваннях і гульнях беларусаў.

Гісторыя роднага краю

Жыццё беларускіх плямён і адкуль мы гэта ведаем. Як і дзе ўзнікалі паселішчы? Назва «Белая Русь». Заняткі старажытных жыхароў Беларусі. Рэкі ў жыцці чалавека. Наш Нёман. Узнікненне Гродна на беразе Нёмана. Гісторыя нашага горада. Легенды ўзнікнення горада. Вуліцы Гродна. Мая вуліца. Назвы вуліц і іх паходжанне.

Усе жадаючыя запітсацца ў гурток могуць звяртацца па адрасе: Каложскі парк, 1 (былы Палац піянераў), каб. 206, тэл. 8 (0152) 74 49 22, +375 (29) 886 89 14.

0
valiancina / Адказаць
19.09.2012 / 12:15
Падкажыце нешта падобнае ў Менску. Дачушцы 5 гадоў. Наведалі некалькі фальклёрных калектываў, але не пачулі там ніводнага беларускага слова.
0
2valiancina / Адказаць
19.09.2012 / 12:54
Звярніцеся ў ТБМ: 220034, г. Менск, вул. Румянцава, 13 +375 17 284-85-11. Можа што падкажуць.
0
Вольга / Адказаць
19.09.2012 / 13:11
2valiancina: Студыя эстэтычнага развіцця "Праменьчык": выяўленчае мастацтва і дэкаратыўна-прыкладная творчасць, народныя гульні і спевы. Прымаюцца дзеткі з 4 год. Заняткі адбываюцца ў Палацы дзяцей і моладзі (Старавіленскі тракт, 41) па суботах і па чацверах і доўжацца 2 гадзіны з перапынкам. Гурток платны - 120 тыс. на месяц. Дадатковая інфармацыя: (029) 872 02 23, (029) 311 411 2, альбо на форуме http://dzietki.by/forum/viewtopic.php?p=286286#286286
Каб пакінуць каментар, калі ласка, актывуйце JavaScript у наладах свайго браўзеру