19.09.2012 / 12:26

Скончана расследаванне справы Юрыя Дорна

У Следчым камітэце Беларусі завершана расследаванне крымінальнай справы ў дачыненні да старшыні Іудзейскага рэлігійнага аб’яднання Юрыя Дорна. Цяпер ён і яго адвакат знаёмяцца з матэрыяламі.

Пасля гэтага яны будуць накіраваныя пракурору для прыняцця рашэння аб перадачы справы ў суд.

Як паведаміў начальнік аддзела інфармацыі і грамадскіх сувязяў СК Павел Траулька, Дорну прад’яўлена абвінавачанне па сямі артыкулах Крымінальнага кодэкса:

ч. 3 арт. 430 (атрыманне хабару ў асабліва буйным памеры); ч. 3 арт. 426, ч. 2 арт. 426 і ч. 1 арт. 426 (перавышэнне ўлады ці службовых паўнамоцтваў); ч. 2 арт. 243 (ухіленне ад выплаты сум падаткаў, збораў, якое пацягнула прычыненне шкоды ў асабліва буйным памеры); ч. 2 арт. 377 (крадзеж, знішчэнне, пашкоджанне або ўтойванне дакументаў, штампаў, пячатак, крадзеж бланкаў); ч. 1 арт. 427 (службовая падлог).

Нагадаем, крымінальная справа паводле ч. 3 арт. 430 КК была распачатая ў дачыненні да Дорна Следчым камітэтам Беларусі ў сакавіку гэтага года.

Тады паведамлялася, што Дорн быў затрыманы пры атрыманні незаконнай грашовай узнагароды ад аднаго з кіраўнікоў суб’ектаў гаспадарання. Устаноўлена, што, з’яўляючыся службовай асобай, адказнай за выкананне арганізацыйна-распарадчых і адміністрацыйна-гаспадарчых функцый аб’яднання, ён атрымаў грашовыя сродкі ў памеры больш як 13 тысяч долараў за станоўчае вырашэнне пытання аб заключэнні дагавора арэнды нежылых памяшканняў, якія належаць рэлігійнаму аб’яднанню.