19.09.2012 / 21:40

Палітыка ўдару кулаком у твар 8

Улада, што трымаецца на кулаках, мае слабыя шанцы на мірны адыход у гісторыю.

Што яднае свежы нумар «Нашай Нівы» з «НН» №3 ад 24 студзеня 2003 года? У абодвух выпусках на першых палосах змешчаныя фотаздымкі збітых людзей. Вядомых людзей.

17 студзеня 2003 года невядомыя зламыснікі збілі на горкі яблык акадэміка Радзіма Гарэцкага. 18 верасня 2012-га ўдар кулаком у твар атрымаў фатограф Associated Press Сяргей Грыц, які ў той момант асвятляў перадвыбарчы пікет.

Магчыма, хтосьці скажа, што адзінае падабенства паміж гэтымі гісторыямі — фота на першай паласе. Радзім Гарэцкі стаў адной з ахвяр невядомых нападнікаў, якія на пачатку 2000-х зладзілі сапраўднае паляванне на прадстаўнікоў інтэлігенцыі. А Сяргей Грыц, магчыма, атрымаў па твары выпадкова. На яго месцы мог апынуцца любы з калегаў, што разам з ім здымалі пікет. Але гэтая выпадковасць не адмяняе той факт, што пад раздачу трапіў адзін з лепшых беларускіх фатографаў.

Расказваючы пра інцыдэнт, Сяргей папрасіў: «Не трэба рабіць з мяне героя. Гэта звычайныя нашы працоўныя будні». Вытрымцы чалавека, які здымаў вайну ў Іраку і Афганістане, можна толькі пазайздросціць. Але ці павінны мы прызвычайвацца да сітуацыі, калі кожнаму з нас супрацоўнік міліцыі беспадстаўна і беспакарана можа ўдарыць кулаком ў твар? Ці мы ўжо прызвычаіліся і змірыліся?

Паміж атакамі на інтэлігентаў і «праверкай дакументаў» у Грыца было мноства іншых удараў. Удары адпрацоўваліся нават на жанчынах — Святлану Завадскую спецназавец ударыў па твары, Маі Абромчык перабілі нагу.

Дзесяць год таму нам далі зразумець: ад удару па галаве не абаронены ніхто — ні акадэмік, ні просты рабацяга. Цяпер можна смела казаць: удар пастаўлены, атрымаць па акулярах можа сапраўды кожны. Для ўлады, якая трымаецца другі дзясятак гадоў у тым ліку і на кулаках, гэта дзейсны сродак. Але варта памятаць, што такі рэцэпт палітычнага даўгалецця моцна змяншае шанцы на мірны адыход у гісторыю.

Сямён Печанко

0
Капитан Станкулеску / Адказаць
19.09.2012 / 21:56
Вот именно и это хорошо, ибо здеся потребуется глубокая тотальная зачистка, а не косметический ремонт. Слишком много гниды развелось за эти 18 лет.
0
вот для кого эти выводы в статье? / Адказаць
19.09.2012 / 22:21
видел я как ментовский начальник другому говорил в пылу работы на мирных акциях: "бегом выполняй - чё думать-то?! всё равно нас посадят рано или поздно". всё они знают и всё понимают и перед выводом в статье не забздят. вот если бы автор заметики рассказал КАК произойдет их отход от власти - это было бы интересно.
0
Коленвал / Адказаць
19.09.2012 / 22:42
Да ладно, Семен Печанко очень оторвался от народа! Будущий Президент, в эпоху руководства совхозом, лично бил морды механизаторам, если что. Учёные говорят, что сигнал от нее сразу поступает в мозг человека и там быстро усваивается. То есть это просто такой народный способ ускоренного общения с подчиненными,... А тут развели мысли о политике, власть. Зачем придумывать.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру