Прэм’ер-міністр Нарвегіі Енс Столтэнберг прызначыў міністрам культуры краіны29-гадовую мусульманку Хадзію Таік.
Яна стала не толькі першай мусульманкай ва ўрадзе Нарвегіі, але і самым маладым міністрам у гісторыі краіны. Таік ужо агучыла сваю праграму на бліжэйшы час. Яна заявіла, што
культурная разнастайнасць павінна стаць неад’емнай часткай паўсядзённага жыцця ў Нарвегіі. Жанчына таксама мае намер інтэграваць нацыянальныя меншасці ў грамадства, стварыць умовы для сацыяльнай мабільнасці і выбудаваць новыя сацыяльныя ліфты для прыезджых.Па словах міністра, часцяком імігранты не прымаюць актыўнага ўдзелу ў жыцці грамадства, таму што папросту не могуць знайсці добрую працу і атрымаць якасную адукацыю.
Цяжкасці жыцця імігрантаў вядомыя Таік не па чутках —
яе сям’я прыехала ў Нарвегію з Пакістана.Атрымаўшы вышэйшую адукацыю, яна працавала ў найбуйнейшых нарвежскіх СМІ. У 2009 годзе стала членам нарвежскага парламента, працавала дарадцам і ўвайшла ў склад некалькіх камітэтаў.
Між іншым, 21 верасня ў Нарвегіі адбыліся масавыя акцыі пратэсту, арганізаваныя мусульманамі. Больш за 3500 чалавек зладзілі пікет каля будынка амбасады ЗША ў Осла, пратэстуючы супраць паказу фільма «Нявіннасць мусульман».