У Гродне надрукавалі школьныя сшыткі з вершамі Быкава
Цяпер забіраюць з крамаў наклад: вершы знайшлі ў інтэрнэце, гэта іншы Быкаў.
Гродзенская друкарня да новага навучальнага года выпусціла серыю сшыткаў з вершамі вядомых беларускіх аўтараў. Фатаграфію аднаго з іх на сваім сайце размясціў блогер Павел Бераснеў. Дзіўна, але разам з класічнымі радкамі Купалы, Коласа і Багдановіча, у серыі апынуўся і сшытак з чатырохрадкоўем Васіля Быкава.
За такое «ўнікальнае» выданне просяць ўсяго 5 тыс. рублёў.
Хоць беларусаў яшчэ ў школе вучылі, што пісьменнік займаўся толькі прозай, ды і сам Быкаў у адным з інтэрв’ю заяўляў, што ніколі не пісаў вершы. У чым жа справа?
Калі ўвесці радкі верша, напісаныя пад партрэтам Васіля Быкава, пошукавік выдае старонку на расійскім сайце «Стихи.ру».
Аўтар гэтых радкоў сапраўды Васіль Быкаў, аднак не вядомы беларускі пісьменнік XX стагоддзя, а малады паэт, верагодна, з Расіі.На гэтым сайце Быкаў размяшчае вершы з 2005 года, апошні датаваны студзенем
Відавочна, што ў друкарні проста не праверылі аўтарства верша, які размешчаны пад партрэтам вядомага беларускага пісьменніка. Афіцыйнага каментара там, праўда, пакуль атрымаць не ўдалося, піша Оnliner.by.
«Гэта глупства. Ніякіх вершаў, тым больш па-расейску, Васіль Уладзіміравіч ніколі не пісаў", -- сказала «Нашай Ніве» ўдава пісьменніка Ірына Міхайлаўна Быкава.
Нядаўна падобным чынам "адзначыліся" і ў Мінску, прыпісаўшы верш Якуба Коласа Міколу Гусоўскаму на бігбордах, прысвечаных Году кнігі.
Радыё Свабода паразмаўляла з вытворча-тэхнічным аддзелам друкарні:
«Залез малады нявопытны хлопчык у Інтэрнэт, набраў «Васіль Быкаў» і здарылася такая прыкрая памылка. Наклад вымаецца з гандлю».
Цяпер чытаюць
Каханак Анжалікі Мельнікавай — агент беларускіх спецслужбаў з пашпартам прыкрыцця27
Каментары