У Гродне завяршылася пасяджэнне дэпутацкага корпуса базавага ўзроўню, на якім абраныя члены савета рэспублікі нацыянальнага сходу. У галасаванні прынялі ўдзел 428 дэпутатаў мясцовых саветаў, супраць усіх быў адзін бюлетэнь.
Усе восем кандыдатаў набралі неабходную для абрання колькасць галасоў. Так, старшыня СВК «Прагрэс-Верцялішкі»Васіль Равяка і намеснік генеральнага дырэктара па эканоміцы і фінансах ААТ «Гродна Азот» Тамара Паследняя — па 426 галасоў, намеснік дырэктара па інвестыцыях ТАА «Біякам» Андрэй Паўлоўскі — 425, галоўны лекар установы аховы здароўя «Гродзенскі абласны клінічны кардыялагічны цэнтр» Тамара Далгашэй і старшыня Астравецкага райвыканкама Адам Кавалько — па 424, галоўны рэдактар камунальнай інфармацыйна-рэкламнага УП «Лідскае тэлерадыёаб’яднанне» Ніна Пазняк — 422, выканаўчы дырэктар прадстаўніцтва Нацыянальнага алімпійскага камітэта ў Гродзенскай вобласці Аляксандр Курловіч — 423, першы сакратар Гродзенскага абласнога камітэта ГА «БРСМ» Юрый Аляксей — 420.
Усе новаабраныя члены савета рэспублікі — беспартыйныя.
Парадак фарміравання верхняй палаты беларускага парламента «спалучае» элементы «выбарнасці» і прызначанасці. У савет рэспублікі увойдуць 64 чалавекі: па восем прадстаўнікоў ад кожнай вобласці і Мінска, яшчэ восем членаў прызначыць Лукашэнка.
Паводле БелТА
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
