ТОП-5 канцэртаў, якія варта наведаць да канца года

Ад верасня да снежня ў Мінску пройдзе дзясятак першаразрадных канцэртаў. Такога не было з дакрызісных часоў, калі за год у Мінск завіталі Стынг, Элтан Джон, Джо Кокер і яшчэ некалькі зорак сусветнай музыкі. Пасля ўпаў даляр, і Беларусь вярнулася ў тыя часы, калі галоўнай канцэртнай падзеяй года быў выступ Nazareth на «Славянскім базары».

Аднак восень 2012 рыхтуе надзвычай цікавыя музычныя сустрэчы.

1. 8 кастрычніка — Tito & Tarantula. Клуб Dozari

Амерыканцы Tito & Tarantula упершыню завітаюць у Беларусь. Тут яны ўжо маюць сваю аўдыторыю дзякуючы саўндтрэкам да фільмаў Квэнціна Таранціна, і Роберта Радрыгеса. Аднак не Радырыгесам адзіным жыве калектыў.

Усе пяць альбомаў Ціта Ларыва і кампаніі можна смела ставіць у спіс той музыкі, якую варта паслухаць.

Як сапраўдныя каліфарнійцы, Tito & Tarantula не абіралі нейкі адзін жанр, а спалучылі ў сваёй музыцы ўсё: ад блюза да стоўнэра.

Квіткі: ад 400 тысяч рублёў да мільёна.

2. 15 кастрычніка — «HBC The Super Trio». Белдзяржфілармонія

Гэта віртуозныя джазавыя музыканты: адно імя Скота Хэндэрсана робіць наведванне гэтага канцэрта абавязковым для аматараў джаза.

Хэндэрсан неаднойчы прызнаваўся «джазавым гітарыстам № 1 у свеце».

Апроч яго, у трыа ўваходзяць віртуозны бас-гітарыст Джэф Берлін і бубнач Дэніс Чэмберс — спіс тых музыкаў, з якімі грала рытм-секцыя «HBC The Super Trio», можна расцягнуць да канца старонкі.

Квіткі: ад 200 тысяч рублёў

3. 31 кастрычніка — Nickelback. Мінск-Арэна.

Як толдькі ні лаялі Nickelback, і «найгоршым гуртам планеты» называлі, але нават крытыкі амерыканскага часопіса Rolling Stone, якія не маюць ніякіх аўтарытэтаў, пісалі пра тое, што

гэты гурт трапіць у рок-н-рольны рай за адзін толькі драйв.

Па словах Чэда Кругера, калі б Nickelback узяліся выканаць на канцэрце ўсе свае хіты, шоу б расцягнулася гадзінаў на пяць. На альбомах Nickelback хітовы патэнцыял мае кожная другая песня. А іх When We Stand Together абсалютна заслужана пераўтварылася ў межкантынентальны хіт.

Квіткі: ад 400 тысяч да 1,8 мільёна рублёў.

4. 18 лістапада — Джон Маклафлін. Беларускі музычны тэатр.

Яго прынята лічыць джазавым гітарыстам, але калі ўзгадаць нават не ўсе, а толькі найважнейшыя праекты Маклафліна (гэта і культавы Mahavisnu Orchestra, і супольны праект з Карласам Сантанай, і гітарныя партыі на ўсіх галоўных альбомах Майлза Дэвіса), становіцца зразумела, што нават шырокае паняцце «джаз» цісне Маклафліну ў плячах.

Квіткі: ад 170 да 810 тысяч рублёў.

5. 21 снежня — Мэрылін Мэнсан. Палац спорту

Амерыканскі шок-рокер Мэрылін Мэнсан, які стаў суперзоркай90-х, не страціў свайго статуса і сёння. Нават самыя адданыя фанаты Мэнсана не думалі, што калі-небудзь музыка завітае ў Мінск, а калі і завітае, то ў глыбокай старасці.