Фота з сайта Беларускай рэдакцыі радыё Ватыкана.
Сустрэча адбылася ў часе агульнай аўдыенцыі ў Ватыкане 3 кастрычніка. Падчас сустрэчы Папа пацікавіўся апошнімі падзеямі ў краіне і даслаў спецыяльнае бласлаўленне для католікаў Беларусі і ўсяго беларускага народа, паведамляе
Нядаўняя вестка пра сустрэчы апостальскага нунцыя ў Беларусі арцыбіскупа Клаўдыё Гуджэроці з палітвязнямі дала надзею, што Каталіцкая царква стала пасярэдніцай і гэта можа прывесці да вызвалення вязняў сумлення.
На сайце радыё Ватыкана нядаўна з’явілася наступнае паведамленне:«На знак павагі да ўніверсальнага маральнага аўтарытэту Святога Айца і гуманітарных намаганняў Святога Пасаду, у рамках двухбаковых дыпламатычных адносін, папскаму прадстаўніку ў Мінску,
арцыбіскупу Клаўдыё Гуджэроці, было дазволена наведаць некаторых зняволеных у турмах Беларусі. Гаворка ідзе пра Каваленку, Сырамолатава, Статкевіча, Бяляцкага, Дашкевіча, Лобава і Севярынца. Апостальскі нунцый сустрэўся з кожным з гэтых зняволеных у месцах пазбаўлення волі, даведаўся пра іхны стан і выслухаў іх. Ён перадаў ім малітвы Святога Айца і каталікоў за іх і іх сем’і».
Як вядома, палітвязні Сяргей Каваленка і анархіст Сырамолатаў выйшлі на свабоду праз пэўны час пасля падпісання прашэнняў аб памілаванні. Менавіта яны ўваходзілі ў спіс наведаных апостальскім нунцыем.
Пасля выхаду на свабоду Каваленкі ўсяго ў турмах Беларусі цяпер застаецца 13 палітзняволеных. Яшчэ значная група людзей маюць умоўныя тэрміны або абмежаваны ў правах пасля зняволення.
Папа Бенедыкт XVI прымаў Аляксандра Лукашэнку ў 2009 годзе ў Ватыкане. Гэта быў першы заходні візіт кіраўніка Беларусі пасля доўгага перыяду ігнаравання яго еўрапейскай супольнасцю за парушэнні правоў чалавека і нормаў прыстойнасці.
