Эканоміка1010

У фінансавай сістэме адбываюцца драматычныя рэчы: дзяржбанкі перасталі выдаваць крэдыты

Міністр фінансаў Харкавец: «Ні рубля дадаткова на падтрымку ліквіднасці банкаў урад не мае намеру ўносіць».

Трывогу на паседжанні верхняй палаты нацыянальнага сходу забіла дырэктарка Віцебскай бройлернай птушкафабрыкі Ганна Шарэйка. Яна расказала, што дзяржбанкі спынілі выдачу крэдытаў на фінансаванне дзяржпраграм і павысілі маржу да стаўкі рэфінансавання (30%) да 12–15 працэнтавых пунктаў.

Як перадае карэспандэнт агенцтва «Інтэрфакс-Захад», з дадзеным пытаннем Ганна Шарэйка звярнулася да міністра фінансаў Беларусі Андрэя Харкаўца падчас абмеркавання праекта закона аб бюджэце на наступны год.

Спн.Шарэйка сцвярджае, што «гэта паўсюдна ў апошнія два дні — крэдыты не даюць ні «Белаграпрамбанк», ні «Беларусбанк», ні «Белінвестбанк».

З яе словаў, — а, трэба разумець, вуснамі спн.Шарэйкі прамаўляў дырэктарскі корпус — гэта пагражае стабільнай працы прадпрыемстваў, ім прыйдзецца згортваць актыўнасць.

Аднак міністр фінансаў быў цвёрды. Як паведамляе «Інтэрфакс»,

Харкавец заявіў: «Ні рубля дадаткова на падтрымку ліквіднасці банкаў урад не мае намеру ўносіць».
Ён патлумачыў, што ўрад за першыя 9 месяцаў года выдаткаваў 6,7 з 7 трыльёнаў грошай, прызначаных на падтрымку вытворцаў і больш выдзеліць проста не мае права, бо мае абавязкі перад Антыкрызісным фондам ЕўрАзЭС.

Міністр перакананы, што, у выпадку прадастаўлення дзяржбанкам звышпланавай бюджэтнай падтрымкі, «наступствы будуць шматкроць цяжэйшыя, чым некрэдытаванне аднаго-двух ці нават дзясятка прадпрыемстваў у пэўны перыяд часу».

Што гэта за наступствы, лёгка здагадацца: дадатковае напампоўванне эканомікі незабяспечанымі грашымі і паўтор дэвальвацыі мінулага года.

Ад сярэдзіны верасня 2012 г. дзяржаўныя банкі адчуваюць востры дэфіцыт ліквіднасці,
які прывёў да росту ставак на міжбанкаўскім рынку да ўзроўню больш за 50% гадавых, і да аднаўлення рэсурснай падтрымкі дзяржбанкаў з боку Нацбанка. Інакш у краіне проста ўзнік бы крызіс неплацяжоў.

Дырэктарат хоча новых грошай, бо інакш немагчыма фінансаваць бягучую актыўнасць прадпрыемстваў. Якое выйсце знойдуць дзяржаўныя органы, стане ясна ў бліжэйшыя тыдні. Аднак ужо сёння можна з пэўнасцю канстатаваць, што ў фінансавай сістэме з'явіліся трывожныя напружанні.

Каментары10

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза

Усе навіны →
Усе навіны

У Мінску купілі дом за 3 мільёны даляраў. Ён у тым раёне, дзе жыве Эйсмант1

Ці можна будаваць Беларусь па-за межамі Беларусі? Дыскутавалі Ягораў, Гарбацкі, Югася Каляда9

Крамы і пастаўшчыкоў будуць штрафаваць за адсутнасць гародніны1

У Беларусі зацвердзілі сакрэтныя будаўнічыя нормы12

Спявачку Мэрыем Герасіменка на працягу двух гадоў збіваў муж54

«Дарагія расейскамоўныя беларусы! Вы пакідаеце незамкнёнымі дзверы хаты, за якімі ўжо стаіць кодла бандытаў»208

У Фінляндыі затрымалі былога вагнераўца, які прасіў прытулку. Ён ваяваў у Бахмуце2

Былы форвард зборнай Беларусі Вячаслаў Глеб стаў бацькам1

Ігар Тур патраціў мінімум 30 тысяч на прэміяльную кухню ФОТА43

больш чытаных навін
больш лайканых навін

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза

Галоўнае
Усе навіны →

Заўвага:

 

 

 

 

Закрыць Паведаміць