Цаны некаторых беларускіх лекаў вырасце больш чым удвая. Пра гэта паведаміў намеснік міністра аховы здароўя Беларусі, дырэктар Дэпартамента фармацэўтычнай прамысловасці Генадзь Гадавальнікаў.
«Будзе павышэнне цэнаў на 33 найменні айчынных лекаў.Падаражэнне ў 2–3 разы чакае ўсяго некалькі лекаў. Астатнія лекавыя сродкі падаражэюць нязначна: на нейкія цэны паднімуцца на 1%, нешта падаражэе на 5%, на 7% і гэтак далей. Пры гэтым трэба ўлічыць, што лекі масавага попыту ў нас вельмі танныя», — сказаў ён.
У Беларусі ў пералік лекавых сродкаў, цэны на якія рэгулююцца дзяржавай, уваходзіць 161 найменне.Дырэктар Дэпартамента фармпрамысловасці адзначыў, што заводы, можа, і хочуць падняць цэны на гэтыя лекі, але не могуць, бо іх рэгулюе Міністэрства аховы здароўя.
0
0
0
0
0
0