Зборную Іспаніі вазілі на экскурсію ў Нясвіжскі замак 4

«Дык гэта што, той хлопец у куртачцы, гэта і быў Торэс?» ― расчаравана пытаецца ў мяне знаёмая. Форварда-прыгажуна са зборнай Іспаніі яна бачыла каля стадыёна «Дынама».

«12 кастрычніка іспанцы праводзяць нашмат больш часу ў гатэлі. У дзень матча ніякіх мерапрыемстваў для іх не прадугледжана. А вось 11 кастрычніка яны сапраўды выходзілі ў горад. Гулялі па вуліцах, прайшліся па крамах. Частцы іспанскай дэлегацыі мы паказалі Нясвіжскі замак», ― распавядаюць у агенцтве, якое прымае іспанцаў у Беларусі і арганізуе «культурную праграму».

Футбалісты зборнай Іспаніі пакуль што застаюцца недасяжнымі для фанатаў.

Той-сёй паспеў узяць аўтографы пасля прэс-канферэнцыі, на якую 11 кастрычніка прыйшлі Фернанда Торэс і Альвара Арбеола. Яшчэ некалькі роспісаў футбалісты паставілі ўвечары, падчас адкрытай трэніроўкі на стадыёне «Дынама».

Матч адборачнага турніру чэмпіянату свету 2014 года Беларусь — Іспанія пройдзе сёння і пачнецца, а 21-й гадзіне.

Павел Свярдлоў, Еўрарадыё

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ