У студзені—жніўні 2012 года грашовыя даходы ў разліку на душу насельніцтва ў цэлым па краіне склалі 2 млн. 565,9 тыс. рублёў у месяц і перавысілі бюджэт пражытачнага мінімуму ў 3,3 раза. Такія звесткі апублікаваў Нацыянальны статыстычны камітэт.
Грашовыя даходы насельніцтва ўключаюць аплату працы, даходы ад прадпрымальніцкай і іншай дзейнасці, трансферты насельніцтву (пенсіі, дапамогі, стыпендыі і інш.), даходы ад уласнасці (працэнты па дэпазітах, дывідэнды і іншыя даходы ад уласнасці), паступленні ад продажу прадукцыі сельскай гаспадаркі, паступленні ад продажу тавараў праз магазіны камісійнага гандлю, паступленні ад продажу лому чорных і каляровых металаў, макулатуры і іншай другаснай сыравіны.
За восем месяцаў гэтага года агульны аб'ём грашовых даходаў насельніцтва склаў 194,2 трлн. рублёў. Рэальныя наяўныя грашовыя даходы (грашовыя даходы за вылікам падаткаў, збораў і ўзносаў, скарэктаваныя на індэкс спажывецкіх цэн на тавары і паслугі) павялічыліся на 13,7% да ўзроўню студзеня—жніўня 2011 года.
У агульным аб'ёме грашовых даходаў насельніцтва аплата працы займае 65%, даходы ад прадпрымальніцкай і іншай дзейнасці, што прыносіць даход, — 10,5%, трансферты насельніцтву — 20%, даходы ад уласнасці і іншыя даходы — 4,5%.
Цяпер чытаюць
У базе сілавікоў «БЕСпарадкі» больш за 100 тысяч чалавек22
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары