Віктар Гумінскі абраны намеснікам старшыні палаты прадстаўнікоў пятага склікання. Гумінскі абраны ў дэпутаты ўжо чацвёрты раз.
У гэты склад ён выбраны па Барысаўскай сельскай выбарчай акрузе №63.
У папярэдніх скліканнях ён займаў пасады намесніка старшыні і старшыні пастаяннай камісіі па нацыянальнай бяспецы. 4 чэрвеня 2010 года быў абраны намеснікам старшыні палаты прадстаўнікоў чацвёртага склікання.
Дэпутат скончыў Новасібірскае вышэйшае ваенна-палітычнае агульнавайсковае вучылішча, а таксама Ваенна-палітычную акадэмію імя Готвальда (ЧССР), Акадэмію кіравання пры Прэзідэнце Рэспублікі Беларусь. Віктар Гумінскі праходзіў ваенную службу на розных пасадах, у тым ліку намесніка начальніка палітаддзела танкавай дывізіі, намесніка камандзіра па выхаваўчай рабоце 65-га армейскага корпуса Узброеных Сіл Беларусі ды іншых. Узнагароджаны ордэнам Пашаны, пятнаццаццю медалямі СССР і Рэспублікі Беларусь, двума медалямі ЧССР, Ганаровай граматай Нацыянальнага сходу. Валодае чэшскай мовай.
