Такое меркаванне ён выказаў у інтэрв’ю брытанскім СМІ: газеце «Індэпэндэнт» і тэлеканалуБі-Бі-Сі .
«Нам патрэбна нармальнае жыццё людзей, нармальная эканоміка, бяспека людзей і гэтак далей. Дэмакратыя — вы лепш за мяне ведаеце пераклад гэтага слова — павінна быць атрымана ад народа. Ад народа! Ён табе дэлегаваў паўнамоцтвы на выбарах — ажыццяўляе гэтую ўладу ў інтарэсах народа. А вы сёння дэмакратыю трактуеце ну настолькі шырока, як вам бы хацелася», — адзначыў Лукашэнка.
«Не трэба мне і беларускаму народу гэтая дэмакратыя, калі няма эканомікі, калі чалавек не можа працаваць на сваёй зямлі і нешта зарабіць на сваё жыццё, калі ён не можа ўзяць кавалак зямлі, калі ён не можа пабудаваць дом, пасадзіць дрэва, гадаваць сваіх дзяцей, баіцца на вуліцу выпусціць і гэтак далей, калі знішчаны самыя перадавыя вытворчасці! « — падкрэсліў Лукашэнка.
«І самае галоўнае, супраць чаго вам не паспрачацца, — гэта тое, што такая дэмакратыя, як у Амерыцы і ў вас, нам непрымальная, дэмакратыя, якая забівае за межамі краіны мільёны ні ў чым невінаватых людзей, — сказаў Аляксандр Лукашэнка. — Вось уяві: маіх дзяцей дзеля нейкай дэмакратыі ўзялі і забілі. Ды не давядзі Бог! Беларусам, калі сказаць: слухай, у вас будзе дэмакратыя, але мы ў вас расстралялі, заб’ём, на галаву скінем ядзерныя боегалоўкі, але будзе дэмакратыя пасля гэтага. Ніводны беларус гэтага не захоча! Так якая ж гэта дэмакратыя, якой не хоча народ?»
«Калі вы гэта зрабілі, хай па памылцы, хай яшчэ па нейкай прычыне, але пасля гэтага вам — амерыканцам, натаўцы, наогул Захаду, трэба сядзець ціха, як мышам пад венікам, і не варушыцца! Вы не маеце права на тое, каб нешта казаць не толькі з трыбуны ААН, але наогул вы не маеце права ні пра што гаварыць, калі вы забівалі людзей! Два пакаленні, пакуль дзеці не забудуць, што вы нарабілі! А вы нас вучыце», — адзначыў ён.
«Не трэба нам такая дэмакратыя, — дадаў ён. — Нам не патрэбны экспарт рэвалюцыі!»
«Дэмакратыя — гэта добра. Але ці гатовы народ і ўмовы ці ёсць для прыняцця такой дэмакратыі ў краіне?» — сказаў Лукашэнка.
На думку Аляксандра Лукашэнкі, у кожнай краіны павінна быць такая дэмакратыя, якая падыходзіць да іх ладу. «Іншая не прыжывецца!Можа, яна і павінна быць у нас такая, як у Вялікабрытаніі, але сёння гэта не прыжывецца. Магчыма, гэта і ідэальная форма, хоць ідэальнага нічога няма, але найбольш прасунутая. Але гэта — працэс.
Фарміраванне дэмакратычнай дзяржавы на ваш капыл (англійскі) — гэта таксама працэс, калі ён наогул прымальны для нас «, — адзначыў Лукашэнка.
«Не таму, што мне не падабаецца ваша дэмакратыя. Ну не падабаецца і не падабаецца, ну і што… Што, вы змянілі? Не, я вас не змяню, у вас у арсеналах ядзерную зброю, грошай нямерана — як я вас змяню? Ну, развівайце сваю дэмакратыю, а мы будзем -- сваю.
Але давайце паспрабуем дзесьці пагаварыць за адным сталом, нягледзячы на розныя нашы погляды», — сказаў ён.
Аляксандр Лукашэнка падкрэсліў, што Беларусь адкрыта да перамоваў за адным сталом. «Давайце размаўляць. А якія яны мне аргументы прапануюць? Мы ж за сталом АБСЕ сустракаемся, і, калі я гэта кажу, я ж у адкрытую гэта кажу, за што, можа, мяне таксама не любяць, — ім сказаць няма чаго. Яны мяне ўжо не чапаюць, не крытыкуюць, на апошнім саміце, бо ведаюць, што я адкажу фактамі і аргументамі», — сказаў ён.
«Але вы чаму ў нашы лезеце традыцыі і ў наша заканадаўства, чытай: Расіі, Беларусі і той жа Украіны?! Вы чаму нам навязваюць, каб нас выбірала меншасць, як у Амерыцы?!Вось, разумееце, для нашага народа гэта наогул непрымальна і незразумела, нават разумным людзям, інтэлігенцыі — як за чалавека прагаласавала менш насельніцтва, а ён стаў прэзідэнтам, а за каго больш, той не стаў?
Растлумачце, як меншай колькасцю галасоў могуць выбраць. Яны нас вучаць! А мы не хочам. Мы хочам большасцю, каб абралі прэзідэнта.У нас абрала большасць. Вы падвяргаеце гэта сумневу? Называйце факты! Вы хочаце сказаць, што мы фальсіфікавалі гэта ўсё? Называйце канкрэтныя факты!» — адзначыў ён.
«Яны проста не прымаюць Лукашэнку. Усё роўна як, дзе, што, вось заўтра будзе хтосьці з „пятай калоны“ (так Лукашэнка называе ўсіх, хто з ім не згодны - НН) — усё, сябры, дэмакратыя, усё будзем развіваць, сябраваць з Беларуссю. Толькі не гэтая ўлада, толькі не Лукашэнка! Вось галоўнае спатыкненне. А чаму? Бо ён праводзіць такую палітыку.
Я ўжо яе пералічваў, асноўнае: дзяржаўны ўдзел у многіх працэсах, а я дзяржаўнік, так, я за рынкавую эканоміку, але мяне перш за ўсё там вабіць канкурэнцыя, прыватная ініцыятыва.Я не супраць прыватнай уласнасці, але я хачу, каб гэтая прыватная ўласнасць у чалавека з’явілася дзякуючы яго працы, а не дзякуючы таму, што ён прыхапіў „Нарнікеля“ або шахту Распадская… Ты яе прыхапіў, сядзіш у Лондане — і атрымліваеш мільярды. Я супраць гэтага!» — падкрэсліў ён.
«А вы хочаце мне — ангельскую дэмакратыю, каб я заўтра з вамі бамбаваў Афганістан і Ірак. А я не хачу гэтага!» — дадаў ён.
