Увечары ў сталіцы Кіргістану сілы аховы правапарадку разагналі ўдзельнікаў мітынгу, якія другі тыдзень патрабуюць адстаўкі прэзыдэнта Курманбэка Бакіева. Намёты і юрты дэманстрантаў дэмантаваныя.
Галоўная плошча горада ачэпленая міліцыяй. Паведамляецца, што міліцыя выкарыстала сьлезацечны газ, калі натоўп пачаў закідваць будынак камянямі. Ёсьць пацярпелыя з абодвух бакоў.
Прапрэзыдэнцкая прэса абвінаваціла лідэраў апазыцыі ў сёньняшніх хваляваньнях, якія назвала «хуліганствам». Тым часам лідэры апазыцыі заклікалі і пратэстоўцаў устрымацца ад гвалту і спыніць дэманстрацыю пратэсту.
Урад Кіргістану праводзіць тэрміновае паседжаньне.
0
0
0
0
0
0
