Паводле Крымінальна-выканаўчага кодэкса вязням забараняецца ліставацца з іншымі зняволенымі (ч.3 арт. 85).Таму ўсю інфармацыю пра аднадумцаў і паплечнікаў яны даведваюцца з прэсы. Мікалай Аўтуховіч піша, што лістоў, газет і кніг атрымлівае шмат - ледзь паспявае чытаць і адказваць.
"Здароўе маё добра, наколькі гэта магчыма. Ужо не хлопец, да і жыццё пакідала крыху", - адзначае ён у лісце.
Палітвязень піша, што бібліятэка ў гарадзенскай турме ёсць, але ён пакуль не карыстаўся яе паслугамі:
"Кнігі мне дасылаюць у заказных лістах. Не паспяваю усіх чытаць. Ідзе шмат газет, пакуль прагледзіш, пакуль на лісты адкажаш і часу зусім мала застаецца. Але чытаю, засталася адна непрачытаная кніга".
Мікола Аўтуховіч удзячны за падтрымку і салідарнасць ад людзей, многіх з якіх да зняволення ён нават не ведаў. А зараз стала вядзе з імі перапіску. Што праўда,
не ўсе лісты ад палітвязня даходзяць адрасатам і наадварот, некаторыя не праходзяць цэнзуру.
0
0
0
0
0
0
