Выказванні Зянона Пазняка каментуе старшыня Вярхоўнага Савета Беларусі 12 склікання Станіслаў Шушкевіч.
«Зянон не знаходзіць сабе месца цяпер. Ён не патрэбны ні Захаду, ні Беларусі. І таму ён мусіць рабіць нейкія заявы, каб на яго зноў зьвярнулі ўвагу.
Я маю вялікі сумнеў наконт таго, што ў Пазьняка ёсьць крыніцы ў КДБ, якія даюць яму такую інфармацыю. А калі яго так аблапошвае КДБ, то вельмі шкада, што Зянон Станіслававіч стаў такім абмежаваным чалавекам.
Ён ня ведае, што адбываецца ў Беларусі. Яму гэта цяжка ўявіць. Я калі зьяжджаю зь Беларусі наА гэтыя зьвёны, якія зьвязваюць яго зь Беларусьсю,тыдзень-два , і то дрэнна арыентуюся, што ў нас тут адбываецца. А Зянон ужо гэтулькі гадоў сядзіцьпа-за Беларусьсю.
Я добра ведаю, што ў нас ёсьць і прадажныя палітыкі, і тыя, хто жыве за кошт Захаду. Але бальшыня тых, хто супрацьстаяць рэжыму, гэта вельмі прыстойныя і дастойныя людзі. І прышываць ім такое нельга.
Я хачу сказаць, што наагул Зянон Станіслававіч зьяўляецца палітычным дэзэртэрам. Ён зьбег зь Беларусі. Ён — трусьлівы. Ён баіцца.
І калі казаць шчыра, стратэгічная памылка была ім зроблена, калі ён быў дэпутатам Вярхоўнага Савету 12 скліканьня. Не ўсьведамляючы гэтага, ён зрабіў усё, каб загубіць БНФ. Ён шчыра думаў, што робіць добрую справу. Але што адбылося? Зянон і яго калегі патрабавалі, каб я ўзьняў пытаньне аб самароспуску Вярхоўнага Савету. Яны былі перакананыя, што на наступных выбарах абяруць многа сваіх дэпутатаў.
Аднак пасьля адбыліся выбары Вярхоўнага Савету 13 скліканьня. І ніводзін, заўважце, ніводзін прадстаўнік БНФ на дэмакратычных выбарах ня быў абраны. Таму што той радыкалізм, які пёр зь Зянона Станіслававіча, быў незразумелы людзям.Толькі невялікая жменька,
Спачатку Пазьняк добра дзейнічаў, утварыўшы БНФ, раскрыўшы Курапаты. А пасьля яго дзейнасьць скончылася. Але ён увераваў, што ён — прарок.І цяпер вяшчае. Вяшчае на кожным скрыжаваньні, што ўсе — агідныя. Акрамя яго самога.
Але ён — палітычны дэзэртэр, які схаваўся ў нару. Гэта Зянон Станіслававіч жыве за замежныя грошы, як чалавек, які атрымаў палітычны прытулак. Ён вядзе аскетычнае існаваньне. І гэта праўда. Ён — чэсны чалавек. Гэта — ягоныя думкі. Але яны памылковыя. Што тут зробіш?!»
Каментары