У цягніку Мінск — Варшава будуць новыя купэ, цяпер на тры месцы 3

Гэта вагоны другога класа, з трохмясцовымі купэ, а не чатырохмясцовымі, як было раней. «Там з аднаго боку 3 палічкі», — распавядаюць у Беларускай чыгунцы.

Цягнік з новымі вагонамі пачне хадзіць з 8 снежня, тады ж ён пачне зноў прыбываць на станцыю «Варшава-Цэнтральная».

Кошт на яго пакуль не зменіцца — 610 тысяч рублёў.

Справа ў тым, што старыя вагоны не хацелі пускаць на адрамантаваны цэнтральны варшаўскі вакзал, таму часова цягнік даязджаў і адпраўляўся са станцыі «Варшава-Гданьская».

Еўрарадыё

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ