Прэзідэнт Францыі сустрэўся з лідарам сірыйскіх паўстанцаў
Мааз аль-Хаціб наведаў Парыж з першым візітам — і быў прыняты на найвышэйшым узроўні.
Мааз аль-Хаціб, абраны старшынём часовай Рады сірыйскай апазіцыі, быў прыняты ў Елісейскім палацы. Францыя першай з еўрапейскіх дзяржаваў прызнала Нацыянальную кааліцыю рэвалюцыйных сілаў у якасці законнага ўрада краіны. Падчас перамоваў у Парыжы абмяркоўвала пытанне прыняцця ў Францыі пасольства сірыйскай апазіцыі.
Іншыя еўрапейскія краіны і ЗША пакуль устрымліваюцца ад такога прызнання. Нагадаем, што Францыя была таксама першай краінай, якая прызнала паўстанцкі ўрад Лівіі.
Аль-Хаціб — памяркоўны мусульманскі прапаведнік. Ён вымушаны быў пакінуць Дамаск, калі ўзнікла пагроза ягонага арышту.