«Раней было шмат шалёных, танных крэдытаў.Мы дакрэдытаваліся да таго, што давялося дэвальваваць нацыянальную валюту. Я не хачу, каб гэта паўтарылася», — заявіў Аляксандр Лукашэнка 23 лістапада падчас наведвання ААТ «Івацэвічдрэў» (Брэсцкая вобласць), адказваючы на пытанне маладога работніка прадпрыемства аб магчымасцях дзяржпадтрымкі пры будаўніцтве жылля.
Існуе льготная чарга на жыллё, дзе працэнтныя стаўкі па крэдытах значна ніжэйшыя, але гэта кладзецца дадатковай нагрузкай на бюджэт. «Гэта значыць трэба падаткі ў кагосьці ўзяць. Вось у чым праблема», — зазначыў ён. Пры гэтым беларускі кіраўнік сказаў, што дзяржава і ў далейшым будзе падтрымліваць асобныя катэгорыі грамадзян у пытаннях набыцця жылля, і асабліва гэта тычыцца шматдзетных сем’яў.Як паведамляе
прэс-служба кіраўніка дзяржавы, Лукашэнка растлумачыў, што высокія працэнтныя стаўкі па крэдытах абумоўлены тым, што банкі таксама пад высокі працэнт прыцягваюць грошы насельніцтва і прадпрыемстваў.
«Будзе больш грошай — мы больш прафінансуем тых, хто нараджае трох ці больш дзяцей. Гэта перш за ўсё», — заявіў ён.
Кажучы ў цэлым пра шляхі павышэння дабрабыту жыхароў Беларусі, Лукашэнка зрабіў акцэнт на развіцці арыентаваных на экспарт прадпрыемстваў, завязаных на мясцовую сыравіну: «Трэба зарабляць, больш вырабляць і прадаваць на экспарт».
0
0
0
0
0
0