Пасьля таго, як адна з баранавіцкіх газэтаў надрукавала інфармацыю пра акцыю па сборы подпісаў на карысьць зьменаў у закон «Аб свабодзе сумленьня», аднаго з каардынатараў кампаніі ў Баранавічах Юр'я Ступакова выклікалі на гутарку ў аддзел ідэалёгіі гарвыканкаму. Намесьнік начальніка ідэалягічнага аддзелу Раман Круцько ўважліва выслухаў сп. Ступакова, пацікавіўся, ці не парушае акцыя дзеючае беларускае заканадаўства.
Тым часам, у Менску за час правядзеньня акцыі сабрана каля 3500 подпісаў.